Қостанай облысында екі қыз жұмбақ жағдайда жоғалып кетті (фото)

Қостанай облысында екі қыз жоғалып кетті. Олар – 17 жастағы Назгүл Сәдуақасова мен 18-дегі Вероника Семегина. Бұл туралы "Алау" порталына сілтеме жасап "Қостанай таңы" басылымы хабарлайды.

Назгүлдің анасы Айгүлдің айтуынша, қызы Затобол кентінде әжесімен бірге тұрған. Сенбі күні өзі оқитын политехникалық колледжге кеткен. Анасына келуге уәде етіп, сол күйі оралмаған.

"Жексенбі күні оған смс хабарлама жібердім, қоңырау шалдым, ол жауап беріп, жағдайының жақсы екенін, келгелі жатқанын айтқан. Дүйсенбіде де телефоны қосулы тұрды. Сейсенбіде біз АІІБ-не шағым түсірдік. Оның Қостанай индустриалық-педагогикалық колледжінде оқитын құрбысы Вероника да жоғалып кетті. Оларды соңғы рет МАРТ сауда орталығында 20-25 адамдық компанияның арасында көргендер бар", - дейді Айгүл. Қазір олардың телефондары сөндірулі.

Назгүл үстіне қаракүзен қысқа тонын киген. Аяғында – қара түсті баулы етік, басында қыша түстес мойынорағыш болған. Ал Вероника жасыл түсті қысқа күртке, қара бәтеңке киген, өзімен бірге джинс материалды иыққап алып жүрген. Олардың жүрген жері туралы қандай да мәліметі барларға мына телефон нөмірлеріне қоңырау шалу сұралады: 102 немесе 8 707 407 23 51; 8 707 111 56 33; 8 777 447 03 94.

Бүгін мәлім боғандай, осы нөмірге әлдебір астаналық азамат қоңырау шалып, екі қызды елордада көргенін айтты. Іздеудегі қыздар одан 350 теңге сұраған. Оларға іздеу жарияланғаны туралы хабарландыруды оқыған бойда байланысқа шығыпты. Жаңылмағанына, көргені нақ осы қаздар екеніне сенімді.

Тағы оқыңыздар:

Сәтбаев қаласында пәтер өртеніп, екі мүгедек бала тірідей жанып кетті

Шымкенттік ана кішкентай ұлының ВИЧ жұқтырғанын естігенде "өмірден түңіліп кеткен"

Гүлнәр Каримоваға тиесілі 850 млн доллар өзбек халқына таратылуы мүмкін

Қасиетті Қағбаны жабындысыз көрген мұсылмандар таңырқап қалды

"Гламур для дур" фильмінен кейін Ақботаның тағдыры күрт өзгеріп кеткен

Байқоңырдан ұшырылған ғарыш кемесі әуеде жанып кетті (видео)