Әдеби порталдың ашылуына келген министр ақындармен бірге өлең оқыды

Астана қаласындағы Назарбаев университетінде ақпарат саласында өзіндік орны бар «Әдебиет порталы» интернет жобасының жаңа нұсқасы таныстырылды, деп хабарлайды Baq.kz.

Жиын барысында сөз алғандардың көбі өлең оқыды. Олардың арасында  Ақпарат және коммуникациялар министрі Дәурен Абаев, əдебиет майталмандары Мырзатай Жолдасбеков, Төлен Əбдік, Жанат Әскербекқызы тағы басқа ақын-жазушылар болды.

«Осыдан екі-үш күн бұрын министрліктің алқа мәжілісінде Мырзатай ағамыз «Кіндігінді кескен жұрт» деген керемет кітап сыйлап еді. Ол кітапты оқып шықтым. Сол кітаптың ішінде бір өлең қатты ұнады. Бұл өлеңнің авторы - Қадыр Мырзалиев», - дейді Дәурен Абаев.

Сөйтіп министр қазақтың аса талантты классик ақыны «Ер еңкейсе еңкейеді жалғыз-ақ» атты өлеңін оқып берді.

Қабат-қабат бұлт төнсе де басыңа,

Қабағыңды шытпа, жігіт, жасыма!

Біз шегінсек, біз жеңілсек, біздерді,

Байқап тұрып не істемекші жас ұлан?!

От ішінде, өрт ішінде күйгенде,

Басыңды име, тізе бүкпе, именбе!

Ер еңкейсе еңкейеді жалғыз-ақ

Туған жердің топырағын сүйгенде!".

Салтанатты шара барысында Әдебиет порталында жасалған жаңғырту жұмыстары, интернет-ресурстың жаңа нұсқасы таныстырылды.

Тағы оқыңыздар:

22 жастағы даниялық бойжеткен ДАИШ-тың 100-ге тарта содырын атып өлтірді (фото)

Қытайдағы ән байқауында Димаш 5-орынға сырғыды

Сүйіктісімен бірге сауық кешіне келген Баян Есентаеваға белгісіз бойжеткен тап берді (видео)

Шымкентте жүкті болып қалған оқушы қызды жігіті тастап кетті (фото)

Қазақ боксшысы екі рет нокдаун алса да жеңіске жетті