"Наурызға дейін тұра ма?": Астананың қақ ортасындағы жаңа жылдық шырша әлі алынбаған

Елордалықтар қаланың қақ ортасында орналасқан шыршаның әлі күнге дейін алынбаған айтып, күйінді деп хабарлайды NUR.KZ тілшісі.

Астанадағы «Керуен» сауда орталығы алдынды бой көтерген мына шыршаны жергілікті әкімдік алып тастауға асығатын емес. Жаңа жылдың алдында құрылған шыршаның сәні кеткелі қашан дейді шаһар тұрғындары.

«Әр нәрсе өз уақытында қызық қой, сол сияқты шырша мен жаңа жылдың уақыты өткелі қашан? Негізі, мына алаң неше жылдан бері бос жатқан, биыл әкімдік мұз айдынын төсеп, халыққа жарамды, пайдасы бар дүниені жасады, оған ешқандай қарсылығымыз жоқ, тек мына шыршаның әлі күнге дейін жиналмағаны ұят енді... Наурызға дейін тұра ма сонда?»,-деп әзілдеді елордалық Қайрат есімді тұрғын.

Десе де, шырша мен мұз айдынының қызығын жас жеткіншектер мен балалар көруде. Жас ана Ляззат Айбар жасыл шыршаның ешкімге бөгет жасамайтынын, керісінше, қала тұрғындарының жиі келіп, демалатын орынға айналғанын айтты.

«Шырша ешкімге бөгет емес, тұра берсін, онда тұрған не бар? Көктемге дейін әлі екі апта бар, әйтеуір бір күні жиналар. Бізге, мысалы, осы маңда тұратын тұрғындарға бұл жер – балалармен демалатын таптырмас орынға айналды. Қаланың шетінде орналасқан «ЭКСПО» жақтағы мұз қалашығы бізден едәуір алыс, сондықтан, осындай алаңдар көп болса, құба-құп»,-деп ағынан жарылды қала тұрғыны.

Мәтіннен қате тапсаңыз, бізге жазыңыз