RU

Фламинго, роза, сенатор: Астанадағы атауы "ерекше" баспаналар туралы не білеміз?

Астанада көше атаулары ғана емес, күн санап қаланың әр түкпірінен бой көтеріп келе жатқан тұрғын-үй кешендерінің аттары әр қилы. Олардың арасында бай-бағландар орын тепкен кварталдардан бастап, қарапайым қала тұрғындары қоныстанған эконом санаттағы үйлер де бар. NUR.KZ назарлараңызға Астанадағы атаулары "қызық" деген баспаналардың тізімін ұсынады.

Коллаж: NUR.KZ
Коллаж: NUR.KZ: UGC

Ел тұрғындарының арасында Астана жайлы түрлі пікір қалыптасқанымен, елордада мекенжайды көше қиылысымен емес, тұрғын-үйлердің атымен тұспалдайтынын бірі білсе, енді бірі біле бермейді. Бұл жақтың такси жүргізушілері де дәл сондай: баспанаңыздың атауы мен үйіңіздің номерін айта қалсаңыз болғаны, діттеген жеріңізге еш қиналмастан жеткізіп салады.

Фото ашық дереккөзден алынды
Фото ашық дереккөзден алынды: UGC

Сонымен бас шаһардың аттары "қызық" деген түрғын-үй кешендеріне тоқталып өтейік. Елорданың бай-бағландарының арасында ағылшын, француз, италиялық кварталдарға деген сұраныс жоғары болып тұр. Бұл тұрғын-үй кешендерінің атаулары да дәл солай: "Ағылшын кварталы", "Француз кварталы" және т.б. Бір-бірімен жапсарласа орналасқан ауданда қай кварталдың нақты қалай аталатынынан да жаңыласыз. Ақиқаты бұл ауданда тек байшыкештер ғана орын тепкен.

Фото: kn.kz
Фото: kn.kz: UGC

Бұған қоса қаланың сол жағалауында орналасқан "Лазурный квартал" деген тұрғын-үй кешені тағы бар. Үйдің аты затына сай сырты қою жасыл түсті реңге боялған. Бір артықшылығы баспана – "Министрліктер үйі", "Бәйтерек" сынды нысандарға жақын аумақта орналасқан.

Фото: kn.kz
Фото: kn.kz: UGC

Астанада "махаббат" тақырыбына арналған тұрғын-үй атауларын да кездестіресіз. Мысалы: "Махаббат", "Жар-жар", "Жайна", "Мәңгілік" және т.б. Сондықтан астаналықтар "Махаббатқа апарып салыңыз" деген тіркесті естісеңіз таң қалмаңыз. Бұл қарапайым үйдің атауы деп қана қабылдаңыз.

Фото ашық дереккөзден алынды
Фото ашық дереккөзден алынды: UGC

Айтпақшы елордада еліміздің жер-су аттарымен аталатын тұрғын-үйлер жетіп артылады. Мысалы: "Қаратау", "Алатау", "Ақбұлақ", "Түркістан" тұрғын-үй кешені және т.б.

Фото ашық дереккөзден алынды
Фото ашық дереккөзден алынды: UGC

Сосын қазақы тілге жат, көбіне-көп шетелдік пәтердің атын еске салатын үйлердің атауы да бар. Мәселен: "Millenium Park", "Hihgvill", "BI Village" және т.б.

Фото ашық дереккөзден алынды
Фото ашық дереккөзден алынды: UGC

Елордалық құрылыс компанияларының қиялдарында шек жоқ. Олар жыл мезгілдеріне мен табиғат құбылыстарының аты берілген үйлерді де салып тастаған. Астанадан "Времена года", "Зима", "Лето", "Весна", "Радуга" деген аты бар тұрғын-үй кешендерін де кездестіресіз.

Фото ашық дереккөзден алынды
Фото ашық дереккөзден алынды: UGC

Сондай-ақ, елордада былтырғы "ЭКСПО" көрмесінің аты берілген пәтерлер де толып жатыр. Олардың арасында "Promenade EXPO", "EXPO Plaza" сынды атаулар көп.

Фото ашық дереккөзден алынды
Фото ашық дереккөзден алынды: UGC

Айтпақшы "Фламинго", "Роза", "Сенатор", "Достар", "Мұнар", "Жоңғар қақпасы", "Батыр", "Арнау", "Аксиома" сынды тұрғын-үй атаулары бар. Бір қарасаңыз үйдің емес, түрлі музыкалық топтардың еске салатын аттармен құрылыс компанияларының мұнымен не меңзегісі келгенін де түсінбейсіз.

Фото ашық дереккөзден алынды
Фото ашық дереккөзден алынды: UGC

Фото ашық дереккөзден алынды
Фото ашық дереккөзден алынды: UGC

P.S. Астанада тұрғын-үй көп, тек сапасы мен тұрғындарға деген қолжетімділігі артса болғаны.

Мақаланың түпнұсқасы: https://kaz.nur.kz/society/1733708-flamingo-roza-senator-astanadagy-atauy-erekse-baspanalar-turaly-ne-bilemiz/