Той алдында пәктігін "жасатып" алатын қыздар Шымкент пен Таразда көп болып шықты

Абыройынан айырылып, жасанды пәктік жасатуға жүгінетін қазақстандық қыздардың басым бөлігі Шымкент пен Тараздың тумалары болып шықты деп хабарлайды esil.media сайтына сілтеме жасаған NUR.KZ.

Алғашқы неке түнінде сүйген жарының пәк болуы қазақ халқы үшін маңызды рөл атқарады деуге болады.

Осы түні күйеуінің алдында абыройсыз болып қалудан қорқатын бойжеткендер гименопластика, яғни жасанды қыздық салдыруға асығады екен.

22 жылдық тәжірибесі бар маманның айтуынша, былтырғы жылы 70 мың бойжеткен осы отаға жүгініп, өзінің пәктігін қалпына келтірген.

Ал ота көп уақытты алмайтын көрінеді. Гименопластикаға 18 жастан бастап рұқсат етілсе, пәктік 15-20 минутта қалпына келтіріледі.

Мамандардың айтуынша, бұл отаға алданып қалған, зорлық көрген бойжеткендер амалсыз баратын көрінеді.

Тойына аз уақыт қалғанда пәктікті салдырып алатындарға неке түніне дейін ауыр зат көтеруге және жаттығу жасауға болмайды.

Айта кететіні, отаны бірнеше рет жасататын бойжеткендер де бар екен. Білікті дәрігер өз тәжірибесінде бір бойжеткеннің үш рет пәктік салдырғанына куә болған.

Мәтіннен қате тапсаңыз, бізге жазыңыз