Әблязов банкир Тәтішевті өлтіргені үшін өмір бойына сотталып кетті
Опубликовано:
Таразда Ержан Тәтішевтің өліміне қатысты Мұхтар Әблязовке сот үкімі жарияланды. Судья Кенжеғали Кенжебеков оны өмір бойы бас бостандығынан шектеп, жазасын қатаң режимдегі колонияда өтеу туралы шешім шығарған деп хабарлайды NUR.KZ.
Мемлекеттік айыптаушы Әблязовке дәл осы жазаны сұрап, оған жұмсақтық танытуға ешқандай негіз жоқтығын айтқан болатын.
Айыпталушы БАҚ арқылы сотқа шақыртылғанымен, ол сот отырысына сол бойы келген жоқ.
Бір жарым ай ішінде сот төрешісі 60 куәгердің жауабын тыңдады. Сот процесіне Ұлттық қауіпсіздік комитетінің бұрынғы төрағасы Нартай Дүтбаев пен шыны королі Мұратхан Тоқмәди де қатысты. Ол Тәтішевті Әблязовтың тапсырмасы бойынша қасақана өлтіргенін мойындаған.
Мақаланың түпнұсқасы: https://kaz.nur.kz/society/1765705-blazov-bankir-ttisevti-ltirgeni-sin-mir-bojyna-sottalyp-ketti/
