Әбдірахымов жаңа жылды Шымкентте қарсы алып, бірден Дубайға ұшуға шақырды

Халықаралық Shymkent DEVELOPMENT 2018 форумында еліміздегі үшінші мегаполистің әкімі Ғабидулла Әбдірахымов 29 желтоқсаннан бастап Шымкенттен Дубайға ұшатын рейс ашылатынын мәлімдеді деп хабарлайды NUR.KZ.

"Біз Шымкенттен Дубайға тура ұшатын жаңа рейс жібереміз. Ұшу уақыты - үш сағат. Осында жаңа жылды қарсы алып, артынша Дубайға кетуге болады", - дейді Ғабидулла Әбдірахымов.

Айта кетерлігі, 2020 жылға дейін Шымкент әуежайы елеулі өзгерістерге ұшырап, халықаралық стандарттарға сай болады екен.

Сонымен бірге, шаһар басшысы Өзбекстанмен көрші болу жаңа мүмкіндіктер ашатынын, ал екі ел жақындай түсуі үшін Ташкентке дейін жол салу жоспарланып жатқанын атап өтті.

Мәтіннен қате тапсаңыз, бізге жазыңыз