Кілең қазақтар: Астаналықтар жаппай "крещение" мерекесіне қатысып, мұздай суға сүңгіді (фото)
Опубликовано:
Астанада христиандардың "крещение" мерекесі жаппай атап өтілуде. Ерке Есілге жиналған қала тұрғындары кешелі бері мұздай суға сүңгіп әлек. Бір қызығы, христиандардың атаулы мейрамында кілең қазақтар суға түсіп жатыр деп хабарлайды NUR.KZ.
![Фото: NUR.KZ Фото: NUR.KZ](https://cdn.nur.kz/images/1120/2467c19c5b94d555.jpeg)
Астаналықтар Есіл бойындағы суға түсу алаңына тайлы-тұяғы қалмай жиналды. Мұздай суға түскендер мен осы көріністі тамашалауға келгендердің қатарында еңкейген қариядан бастап кішкентай бүлдіршіндерге дейін болды.
![Фото: NUR.KZ Фото: NUR.KZ](https://cdn.nur.kz/images/1120/c9a47ae538ee76b8.jpeg)
Елордада күн райы таңғы уақытта аяз болғанымен, кеш бата күн жылына түсті. Сынап бағанасы бар болғаны "-11" градусты көрсетіп тұрды.
![Фото: NUR.KZ Фото: NUR.KZ](https://cdn.nur.kz/images/1120/e14c0791157821d1.jpeg)
Десе де, тұрғындар сүңгіп шыққан судың температурасы болса күн райындай жылы болмады. Мұздай су дене түгілі, қолды қарып түсетіндей салқын болды.
![Фото: NUR.KZ Фото: NUR.KZ](https://cdn.nur.kz/images/1120/bcca6b38a4432d41.jpeg)
![Фото: NUR.KZ Фото: NUR.KZ](https://cdn.nur.kz/images/1120/482a1432a0a0dcd7.jpeg)
Суға түскен астаналықтардың денін ер адамдар құрады.
![Фото: NUR.KZ Фото: NUR.KZ](https://cdn.nur.kz/images/1120/9e6ffdb049bc0128.jpeg)
Бір қызығы, христиандардың "крещение" мерекесіне жиналғандардың қатарында қазақтар көп болды.
![Фото: NUR.KZ Фото: NUR.KZ](https://cdn.nur.kz/images/1120/9cc70e493e2acb0b.jpeg)
Олар бірінен соң бірі суға түсіп, су жанындағы шатырға кірумен болды.
![Фото: NUR.KZ Фото: NUR.KZ](https://cdn.nur.kz/images/1120/f43532097e17ac02.jpeg)
"Суға түсіп, шоқынып кетпейміз. Тек денемізді шынықтыру мақсатында келіп тұрмыз. Мұздай суға сүңгіп, тамаша сергіп қалдық", - дейді қала тұрғындарының бірі.
![Фото: NUR.KZ Фото: NUR.KZ](https://cdn.nur.kz/images/1120/e97eb20876f2da85.jpeg)
Суға шомылу алаңы жанында төтенше жағдайлар қызметі, жедел-жәрдем мамандары мен полиция қызметкерлері тұрды.
![Фото: NUR.KZ Фото: NUR.KZ](https://cdn.nur.kz/images/1120/2925509d1b58adfe.jpeg)
![Фото: NUR.KZ Фото: NUR.KZ](https://cdn.nur.kz/images/1120/2d0a33766eac0bff.jpeg)
![Фото: NUR.KZ Фото: NUR.KZ](https://cdn.nur.kz/images/1120/3a8ae847d01e05c7.jpeg)
Мақаланың түпнұсқасы: https://kaz.nur.kz/society/1774034-kile-kazaktar-astanalyktar-zappaj-kresenie-merekesine-katysyp-mzdaj-suga-sgidi-foto/