Автобус қызылға өтіп кеткен: ІІМ Шамалғандағы апатқа қатысты пікір білдірді

Ішкі істер министрлігі Ақсеңгір-Шамалған темір жол өткеліндегі төтенше жағдайға қатысты пікір білдірді деп хабарлайды ведомствоның баспасөз қызметіне сілтеме жасаған KAZ.NUR.KZ.

Тағы оқыңыздар:

Ақсеңгір-Шамалғандағы жантүршігерлік апат қалай болғанын ҚТЖ мәлімдеді

"Адамдар маңызды": Автобус жүргізушісінің жолаушыларды түсіргені белгілі болды

"Соңына дейін отырды, әйелі - кондуктор": Куәгер көз жұмған жүргізуші жайлы айтты

15 қыркүйек күні сағат 19:30 шамасында "Алматы-Қостанай" жазуы бар пойыз "Шамалған-Алматы" бағыты бойынша кетіп бара жатқан "Сетра" маркалы жолаушылар автобусымен соқтысып қалды деп түсіндірді ведомствода.

Алдын ала ақпарат бойынша, автобус бағдаршамның тыйым салынған дабылына шығып кеткен. Соның салдарынан соқтығысу орын алған.

Сонымен қатар, Ішкі істер министрлігі автобус жүргізушісі қайтыс болғаны туралы ақпаратты растады. Ол оқиға орнында тіл тартпай кеткен.

Тағы үш жолаушы, оның ішінде екі бала Қарасай аудандық орталық аудандық ауруханаға жеткізілді.

Тергеу тобы істі тергеу жұмыстарын бастап кетті.

Айта кетейік, күні кеше Шамалған бекетінде пойыз бен автобус соқтығысып қалды. Алдын ала ақпарат бойынша, жол апатынан екі адам көз жұмып, тоғыз адам зардап шеккені хабарланған еді.

Алайда, ресми ақпарат бойынша тек автобус жүргізушісінің қаза тапқаны белгілі болды.

Тоқаев марқұмның жанұясына көңіл айтты.

Бас көлік прокуратурасы тергеу барысын бақылауға алды.

ҚТЖ Ақсеңгір-Шамалғандағы жантүршігерлік апат қалай болғанын мәлімдеді.

Куәгерлер адамдардың маңызды екенін айтып, әйелін де қоғамдық көліктен итеріп жіберген автобус жүргізушісі туралы айтты.

Мәтіннен қате тапсаңыз, бізге жазыңыз