Әлемдегі ең сымбатты ер адам ерекше тәсілмен анықталды

Британиялық актер, "Сумерки" фильмдер сериясындағы вампир Эдвард Каллен және "Гарри Потер мен От кубогы" картинасындағы Седрик Диггори рөлімен танымал Роберт Паттинсон "алтын қима" атты ежелгі грек принципіне сәйкес, әлемдегі ең сымбатты ер азамат болып танылды деп жазады KAZ.NUR.KZ.

Әйгілі голливудтық серілер ежелгі гректер ойлап тапқан, адам бет-әлпетінің тепе-теңдігін зерттейтін "алтын қима" атты математикалық формула тексерісінен өтті.

Тексеріс нәтижесіне сәйкес, математикалық тұрғыда әлемдегі ең сымбатты ер азамат ағылшын актері Роберт Паттинсон болды.

Алгоритм оның "алтын қимаға", яғни, мінсіз бет-бейнеге 92,15 пайыз сәйкес келетінін анықтады деп жазады The Sun жаңалық басылымы.

Математикалық тұрғыда тартымды жұлдыздар қатарында Тесей мен супермен екінші орынға тұрақтады. Бұл екеуінің рөлін сомдаған ағылшын серісі - Генри Кавилл.

Соңғы уақытта актердің танымалдылығы артып, абыройы бекіп келеді. Ал "алтын қима" бойынша бет-әлпеті мінсіз мүсінге 91,64 пайыз сәйкес екен.

Жүйе есептеуінше, үшінші орын әнші, әртіс, режиссер және продюсер, "Оскар" жүлдесінің номинанты Брэдли Куперге бұйырды. Оның дидары мүнсіз бет-әлпетке 91,8 пайыз сәйкес.

Ежелгі формулаға сәйкестілікті анықтайтын бағдарламаны әйгілі лондондық пластикалық хирург Джулиан Де Сильва даярлап, қолданып келеді.

Рейтингінің төртінші орнына көптеген рөлмен танымал голливудтық актер, Анджелина Джолидің экс-жұбайы Брэд Питт жайғасты. Оның нәтижесі 90, 51 пайызды құрайды.

Ал бесінші орында жұлдызды футболшы, актер Дэвид Бекхэм. Танымал футболшылардың бірі бағдарлама бағалауына сәйкес, 88, 96 пайызға мінсіз.

Айта кетейік, күні кеше ажырасып кеткен Ирина Шейк пен Брэдли Купер Лондонда кездесті.

Ең маңызды әрі қызықты жаңалықтарды біздің Telegram арнамыздан оқыңыздар!