Нұр-Сұлтан мен Қарағандыда ауа райына байланысты сабақтар тоқтатылды
Опубликовано:
Нұр-Сұлтанда боранға байланысты мектептер мен колледждерде сабақтар тоқтатылды. Сондықтан, сабаққа оқушыларға ғана емес, студенттерге де бармауға рұқсат деп хабарлайды KAZ.NUR.KZ.
![Көрнекі фото: NUR.KZ Көрнекі фото: NUR.KZ](https://cdn.nur.kz/images/1120/1f5c4842fedff4e6_w.jpeg)
Қалалық білім беру басқармасында ауа райының қолайсыздығына байланысты мектепте бірінші ауысымдағы 0-11- сынып оқушылары мен колледждің 1-2-курс студенттеріне сабақ болмайтынын хабарлады.
Елорда ТЖД мәліметіне сәйкес, ауа райының күрт өзгеруіне байланысты, Нұр-Сұлтан-Шучинск, Нұр-Сұлтан-Атбасар және Нұр-Сұлтан-Қарағанды жолдары жабылды.
Айта кетейік, осыған дейін қала тұрғындарына дауылды ескерту хабарланған болатын. 18-19 ақпан күні елордада қатты боран соғуы мүмкін. Жел секундына 23 метрге дейін ұйытқиды деген болжам бар.
Ал Қарағандыда 0-4- сынып оқушыларына сабақ тоқтатылды. Қалған сыныптарда мектептің алыстығын ескере отырып, ата-анасының қалауы бойынша шешім қабылданады.
Естеріңізге сала кетейік, Қазақстаннның солтүстігіне, орталығына және шығыс бөлігіне циклон жырасы әсер етуіне байланысты қар жауады деп күтілуде. Ал батыс пен оңтүстікте ауа райы жауын-шашынсыз болады.
Республика бойынша кей жерлерде жел күшейеді. Солтүстікте және орталықта, атап айтқанда, Ақмола, Солтүстік Қазақстан облыстарында бұрқасын күтіледі.
Ең маңызды әрі қызықты жаңалықтарды біздің Telegram арнамыздан оқыңыздар!
Мақаланың түпнұсқасы: https://kaz.nur.kz/society/1841631-nr-sltan-men-karagandyda-aua-rajyna-bajlanysty-sabaktar-toktatyldy/