Алматыда әйел құқықтарын ұрандатқан арулар көшеге шықты (фото, видео)
Опубликовано:
Алматыда феминизмді жақтаушылардың санкцияланбаған шеруі өтті: бірнеше ондаған қыз-келіншек әйелдер құқықтары туралы ұрандатып, оңтүстік астананың көшелерімен жүріп өтті деп хабарлайды KAZ.NUR.KZ.
![Фото: NUR.KZ/Марк Бисен Фото: NUR.KZ/Марк Бисен](https://cdn.nur.kz/images/1120/2046058f0a2b12c8_w.jpeg)
Нәзік жандылар қолдарына қазақ және орыс тілінде жазылған плакаттарды ұстаған.
Шеру кезінде – "Әр әйел – жалғызым", "Мен қауіпсіздікте болғым келеді" деген сияқты тұрмыстық зорлық-зомбылыққа қарсы ұрандар айтылды.
![Фото: NUR.KZ/Марк Бисен Фото: NUR.KZ/Марк Бисен](https://cdn.nur.kz/images/1120/cd281949146ab189_w.jpeg)
Арулар тұрмыстық зорлық-зомбылықты қылмыстандыруды, сексуалды алымсақтық туралы заң қабылдауды, сондай-ақ зорлаушыларды мерзімінен бұрын бостандыққа шығармауды талап етуде.
![Фото: NUR.KZ/Марк Бисен Фото: NUR.KZ/Марк Бисен](https://cdn.nur.kz/images/1120/29e0eaf89855006f_w.jpeg)
Сондай-ақ бірнеше ер азамат нәзік жандыларды қолдап, шеруге қатысқан.
![Фото: NUR.KZ/Марк Бисен Фото: NUR.KZ/Марк Бисен](https://cdn.nur.kz/images/1120/052c9be4ed4c200e_w.jpeg)
Шеруге қатысушылар жыл сайын жүздеген арудың тұрмыстық зорлық-зомбылықтың құрбаны болатынын, алайда, көбінесе мұндай істердің тиісті түрде қаралмайтынын және қоғам назарына ілінбейтінін тілге тиек етті.
![Фото: NUR.KZ/Марк Бисен Фото: NUR.KZ/Марк Бисен](https://cdn.nur.kz/images/1120/00f0b714edd3872d_w.jpeg)
Аталған шерудің қала билігімен келісілмегенін айта кету керек. Алайда, ұйымдастырушылардың айтуынша, олар шараның өтетіні жайлы әкімдікті ескерткен.
![Фото: NUR.KZ/Марк Бисен Фото: NUR.KZ/Марк Бисен](https://cdn.nur.kz/images/1120/8368439da41b122e_w.jpeg)
Еске сала кетейік, бұған дейін Қазақстан әйелдері күштерінің альянсы жұбайларына қол көтеретін ер азаматтарды көше жұмысына жегуді ұсынған болатын. Осылайша, әйелдер тұрмыстық зорлық-зомбылыққа тойтарыс бермек.
Ең маңызды әрі қызықты жаңалықтарды біздің Telegram арнамыздан оқыңыздар!
Мақаланың түпнұсқасы: https://kaz.nur.kz/society/1844470-almatyda-jel-kkyktaryn-randatkan-arular-ksege-sykty-foto-video/