Нұр-Сұлтан мен Алматыдағы блок бекеттерінде әскерилер қызметіне кірісті (фото)
Опубликовано:
Қазақстандық әскерилер 19 наурыз күні Нұр-Сұлтан мен Алматыда карантин енгізілгеннен кейін аталған мегаполистердің айналасындағы өткізу бекеттерінде қызмет етуде. Бұл туралы қорғаныс министрлігі хабарлады деп жазады KAZ.NUR.KZ порталы.
![Фото: Қорғаныс министрлігі Фото: Қорғаныс министрлігі](https://cdn.nur.kz/images/1120/145031f6ad029891.jpeg)
Ведомство мәліметінше, бұнда әскери қызметкерлер, Ұлттық гавардия мен Ішкі істер министрлігінің мамандары болады.
![Фото: Қорғаныс министрлігі Фото: Қорғаныс министрлігі](https://cdn.nur.kz/images/1120/8b1872870a0b9420.jpeg)
Нұр-Сұлтан қаласының аумағындағы блок-бекеттерде Қарулы Күштер әскери қызметшілері атқаратын қызметтердің ұйымдастырылуын Қорғаныс министрі генерал-майор Нұрлан Ермекбаев пен ҚР ҚК Бас штабы бастығы генерал-майор Мұрат Бектанов тексерді.
![Фото: Қорғаныс министрлігі Фото: Қорғаныс министрлігі](https://cdn.nur.kz/images/1120/cc1c8645dfa59bac.jpeg)
Тексеру барысында әскери қызметшілердің моральдық-психологиялық жағдайына көңіл бөлу, олардың барлық керек-жарақпен қамтамасыз етілуі, қызмет кезіндегі кез келген жағдайда өзінің іс-қимыл тәртібін білуі басты назарға алынды.
Cоңғы мәліметтерге сәйкес, елімізде COVID-19 инфекциясын жұқтырғандар саны 44-ке жетті. Оның 19-ы Алматыда, 25 -і Нұр-Сұлтанда.
Аталмыш екі қалады 19 наурыздан бастап коронавирусқа байланысты карантинге жабылды.
![Фото: Қорғаныс министрлігі Фото: Қорғаныс министрлігі](https://cdn.nur.kz/images/1120/d165d5f13c081b44.jpeg)
Ең маңызды әрі қызықты жаңалықтарды біздің Telegram арнамыздан оқыңыздар!
Мақаланың түпнұсқасы: https://kaz.nur.kz/society/1846318-nr-sltan-men-almatydagy-bolg-beketterinde-skeriler-kyzmetine-kiristi-foto-video/