АҚШ Рамзан Қадыров пен оның отбасы мүшелерін қара тізімге енгізді

АҚШ мемлекеттік хатшысы Майк Помпео елдің мемлекеттік департаменті Шешенстан басшысы Рамзан Қадыровты қара тізімге енгізгенін мәлімдеді деп хабарлайды KAZ.NUR.KZ порталы РИА Новости-ге сілтеме жасап.

"Бұл Қадыровтың Шешенстан Республикасында адам құқықтарын өрескел бұзу әрекеттеріне қатысуына байланысты. Мемлекеттік департамент Қадыровтың он жыл бұрын орын алған адам құқықтарын сансыз бұзу, оның ішінде азаптау және соттан тыс өлім жазасы үшін жауап беретіндігі туралы ауқымды расталған ақпараттарға ие", – деп түсіндірді ведомство басшысы.

Бұл шешім республика басшысының әйелі Медни Қадыроваға және қыздары Айшат пен Каринаға (Хадиджат аға) да қатысты.

Айта кетейік, қара тізімге ену АҚШ-қа кіруге тыйым салынады дегенді білдіреді.

Мемлекеттік хатшы 2018 жылы АҚШ пен тағы 15 мемлекет ЕҚЫҰ мәскеулік механизмін жасап, "Қадыров мырзамен кикілжіңге түскен ЛГБТ-тұлғалар, құқыққорғаушылар, тәуелсіз БАҚ өкілдері мен басқа да азаматтарға қатысты теріс әрекеттер туралы қорқынышты хабарламаларға" байланысты фактілерді анықтау бойынша миссия құрғанын еске салды.

Оның айтуынша, миссия осындай заң бұзушылықтардың болғанын анықтаған. Помпео, сонымен қатар, аймақ басшысы коронавируспен күресу сылтауымен "Шешенстандағы адам құқығын одан әрі бұзып жатыр" деген алаңдаушылық білдірді.

"Біз көзқарасы бірдей елдерді осындай шараларды қабылдауға шақырамыз", – деді Помпео мәлімдемесінде.

Еске салсақ, бұған дейін Шешенстан Республикасының басшысы Рамзан Қадыров жергілікті билікпен жиналыс өткізу кезінде Владимир Путинді өмір бойына Ресей президенті етіп сайлауға шақырған болатын.