Top.Mail.Ru

Сайт нұсқасы

ru kz

Зектілері

Жамбыл облысында бір топ адам түн ішінде әкімді ұрып кетті

Опубликовано:

пикабай
Көрнекі фото: pixabay.com

Жамбыл облысындағы жаппай тәртіпсіздік кезінде ауыл әкімі таяқ жегені белгілі болды деп жазады KAZ.NUR.KZ порталы КТК телеарнасына сілтеме жасап.

Еске сала кетейік, осыдан бірнеше күн бұрын Талас ауданына қарасты Қасқабұлақ ауылында бір топ адам түн жарымында төбелес шығарған болатын. Осы оқиғадан кейін Жамбыл облысының әкімі Бердібек Сапарбаев елдімекенге арнайы барып, жұртты сабырға шақырды.

"Бұндай жағдай қайталанбауы керек. Онсыз болмайды. Бірінші – жауапкершілік, міндет, ол – ата-ананың міндеті. Қазақ "Ұяда не көрсең, ұшқанда соны ілесің" деп айтады. Барлық тәрбие ананың сүтімен келеді. Ең негізгі міндетіміз – өсіп келе жатқан жастарға дұрыс тәрбие беру", - деді өңір басшысы

Телеарна таратқан ақпаратқа сәйкес, бес-алты көлікке мінген жастар ауылға баса-көктеп кіріп, үйлерді таспен атқылаған. Соның салдарынан бес үй мен клубтың терзесі сынған. Ал оларды тоқтатуға шыққан ауыл әкімі де, соққыға жығылғаны белгілі болды. Елді мекен басшысының жарақаты жеңіл.

Тәртіп сақшылары елдің үрейін алған 14 адамды ізін суытпай ұстап, қамауға алған. Олардың неліктен бұндай қадамға барғаны тексерілуде.

"14 адам ұсталып, Талас аудандық полиция бөліміне жеткізілді. Аталған дерекке қатысты қылмыстық кодексінің 293-бабы бойынша сотқа дейінгі тергеу басталды", - деді Талас аудандық полиция департаментінің басшысы Тимур Жаңабаев.

Дереккөз: КТК телеарнасы

Еске сала кетспек, Шымкенттегі мейрамханалардың бірінде болған атыс болғаны БАҚ беттерінде жарияланды.

Аталмыш жайтқа пікір білдірген полицияның мәліметінше, оқиға Қазиев көшесі бойында орналасқан "Гранд-Прагада" орын алған.

Ведомство атыстан бір ер адамның оқиға орнында қайтыс болғанын, тағы бір адамның ауруханаға жеткізілгенін хабарлады.

Мақаланың түпнұсқасы: https://kaz.nur.kz/society/1869367-zambyl-oblysynda-bir-top-adam-tn-isinde-kimdi-ryp-ketti/

pixel