Top.Mail.Ru

Сайт нұсқасы

ru kz

Зектілері

Қазақстанда бірінші қазаннан бастап не өзгереді

Опубликовано:

Фото
Көрнекі фото: NUR.KZ

Қазақстанда бірінші қазаннан бастап бірқатар өзгеріс күшіне енеді деп хабарлайды KAZ.NUR.KZ порталы Sputnik Қазақстан агенттігіне сілтеме жасап.

Халықаралық әуе рейстері қысқарады

Ел билігі қазан айынан бастап коронавирустың екінші толқынына жол бермес үшін карантинді күшейтуді жоспарлап отыр. Атап айтқанда, 5 қазаннан басқа елдермен халықаралық әуе рейстері уақытша тоқтатылып, Түркияға рейстер қысқаруы мүмкін. Денсаулық сақтау министрі, сонымен қатар, әуе қатынасы жанданған елдермен рейстерді ұлғайтпауды ұсынды.  

Cонымен қатар, Алексей Цой қазақстандықтардың карантиндік-санитарлық талаптарды сақтамауы қатаң карантиннің қайта енгізілуіне әкеп соғуы мүмкін екенін жеткізді.

Әуежай
Көрнекі фото: NUR.KZ/Петр Карандашов

Темекі сату қиындай түседі

Күздің екінші айынан бастап темекі өнімдерін сатудың жаңа талаптары күшіне енбек. Енді олар міндетті түрде таңбалануы тиіс.

Қаржы министрлігі таратқан ақпаратқа сәйкес, темекі өнімінің кез келген айналымында шығарылған мерзімнен бастап 2D-сканер қолданылады. Сканер қажетті мәліметтерді оқуға және оларды фискалды деректер операторларына беруге мүмкіндік береді.

Міндетті таңбалау нарықтың ашықтығын қамтамасыз етіп, халықты контрафактілік өнімдерден қорғайды.

Көрнекі
Көрнекі фото: pixabay.com

Ескі банкноталарды айырбастау тоқтайды

3 қазаннан бастап 2006 жылғы үлгідегі номиналы 2 000, 5 000 және 10 000 теңгелік банкноталарды айырбастау кезеңі аяқталмақ.

Оған дейін ескі банкноталарды ұлттық банктің барлық аумақтық филиалында айырбастауға болады.

Ұлттық банктің дерегінше 2006 жылғы үлгідегі банкноталарды кезең-кезеңмен айырбастау 2016 жылдың қарашасында басталған.

Жолаушылар пойыздары жаңа кестемен жүреді

Қазан айынан бастап кейбір жолаушылар пойызы жиі қатынай бастайды.

Жүру жиілігі артқан пойыздар:

  1. №1/2 "Алматы-2 – Шымкент" пойызы – аптасына 1 реттен 3 ретке дейін, Алматыдан-2 стансасынан 10 қазаннан, ал Шымкенттен 11 қазаннан бастап;
  2. №11/12 "Алматы-2 – Шымкент" пойызы – аптасына 2 реттен 4 ретке дейін, Алматыдан-2-ден 13 қазанннан, ал Шымкенттен 14 қазаннан бастап;
  3. №31/32 "Алматы-2 – Павлодар" пойызы – күн сайын, Алматы-2-ден 11 қазаннан бастап, Павлодардан 12 қазаннан бастап;
  4.  №603/604 "Нұр-Сұлтан Нұрлы жол – Арқалық" пойызы – күн сайын, Нұр-Сұлтаннан 2 қарашадан, ал Арқалықтан 3 қарашадан бастап.
пойыздағы тамақ
Көрнекі фото: aviav.ru

ШОБ-қа арналған жеңілдік  

Мемлекет басшысының тапсырмасы бойынша, пандемиядан зардап шеккен бизнесті қолдау бағдарламасы 2021 жылдың соңына дейін созылды.

Шағын және орта бизнес жыл соңына дейін еңбекақы төлеу қорынан бюджеттік емес қорларға аударымдардан босатылады.

Мәжіліс сайлауы  

Қазан айында парламент сайлауының датасы жариялануы мүмкін.

Қазіргі шақырылымдағы мәжілістің өкілеттігі 2021 жылдың 24 наурызында аяқталады. Заң бойынша Қазақстан президенті парламент сайлауының өтетін күнін 2020 жылдың 24 қазанынан кешіктірмей белгілеуі тиіс.

Конституцияға сәйкес, мәжілістің кезекті сайлауы парламенттің қазіргі шақырылымының өкілеттігі аяқталардан кемінде екі ай бұрын өткізіледі.

Осылайша, төменгі палата депутаттарының сайлауы 2021 жылдың қаңтарынан кешіктірілмей өткізілуі тиіс.

Жылу
Көрнекі фото: tochkanews.ru

Оңтүстік өңірлерге жылу беріледі

Күздің екінші айынан бастап Ақтөбе мен Атырау облысында жылу беру маусымы басталады.

Ал Қазақстанның оңтүстігінде 15 қазаннан бастап жылу беру жоспарланып отыр.

Қазір жылу беру маусымы Нұр-Сұлтан қаласында, Ақмола, Батыс Қазақстан, Павлодар, Солтүстік Қазақстан, Шығыс Қазақстан, Қостанай және Қарағанды облыстарында басталды.

Мақаланың түпнұсқасы: https://kaz.nur.kz/society/1877224-kazakstanda-birinsi-kazannan-bastap-ne-zgeredi/

pixel