Қазақстандықтар Жаңа жыл мен Рождествода неше күн демалады

Жаңа жылға дейін үш аптадан астам уақыт қалды. Осы орайда KAZ.NUR.KZ мерекеде қазақстандықтардың неше күн демалатынын хабарлайды.

Биыл жаңа жылда қазақстандықтар ресми түрде төрт күн - 1, 2, 3 және 4 қаңтарда демалады.

2 қаңтар сенбіге түсіп тұрғандықтан, бұл демалыс күні 4 қаңтар дүйсенбіге ауыстырылады.  

Осыған сәйкес, аптасына бес күн жұмыс істейтін қазақстандықтар 1, 2, 3, 4 қаңтарда демалады.

Ал аптасына алты күн жұмыс істейтін ел тұрғындары 3 күн - 1, 2, 3 қаңтарда демалады. 

Қаңтардағы келесі демалыс бейсенбі - 7 қаңтарға сәйкес келіп тұр. Бұл датада Рождество атап өтіледі. 9, 10 қаңтар (сенбі, жексенбі) әдеттегідей демалыс күні.

Айта кетейік, 31 желтоқсан - ресми жұмыс күні.

Еске сала кетсек, осыған дейін қазақстандық белгілі астролог Ирина Әбдірайымова желтоқсан айына болжам жасаған болатын.

Әбдірайымова желтоқсандағы өзгерістерді Айдың және Күннің тұтылуымен байланыстырып отыр.  

"30 қараша күні Айдың тұтылуына куә болсақ, 14 желтоқсанда Күннің тұтылуын тамашалаймыз. Бұл астрономиялық құбылыстар бізге қалай әсер етеді?! Ең алдымен, күнделікті, бірқалыпты тірлігіміз өзгереді. Эмоцияға, сезімге көп берілеміз, интеллект пен ішкі түйсік басым түседі. Сенімсіздік пен мазасыздық күшейеді. Жылдың алғашқы жартысында жаңа дос тауып, жұмыс орнын, тұратын жерімізді немесе тағы басқа дүниелерді өзгертуіміз ықтимал", - дейді астролог.

Маманның сөзінше, желтоқсан айы күтпеген өзгерістерге толы. Мысалы, біреу аяқасты байып шыға келсе, енді бірі банкротқа ұшырап, жиған-тергенінен қапелімде айырылып қалуы ғажап емес.

Сонымен қатар осы жылдың бірінші желтоқсанынан бастап елімізде не өзгергенін жазған едік.