Қазақстандықтар 31 желтоқсанды ресми түрде демалыс күні деп жариялауды сұрап отыр

Көптеген қазақстандық шенеуніктерден 31 желтоқсанды ресми демалыс күні деп жариялауды сұрайды. Қазіргі уақытта бұл күн ресми түрде мереке болып есептелмейді. Қол астындағыларға демалыс беру-бермеуді жұмыс берушілердің өздері шешеді. Алайда Еңбек министрлігінің мәліметінше, бұл экономикаға әсер етуі мүмкін деп хабарлайды КТК телеарнасы.

Домофон орнату компаниясында жұмыс істейтін Наталья Ереминаның айтуынша, бұл қызметке сұраныс жоғары болғандықтан, оның 31 желтоқсанда да жұмыс істеуіне тура келеді.

Келіншек Жаңа жыл мерекесіне дайындалып үлгермейтінін айтады.

"Жыл сайын 31 күні жұмыс істейміз, толық жұмыс күні. Үлгермейміз, әрине демалыс болғанын қалар едім", - дейді Наталья.

Астаналық Мейрамгүл Анарованың айтуынша, демалыстың болмауы әйел адамдар үшін қиын.

"Әрдайым осылай болады, өйткені жұмыста, жыл соңында, барлығы есеп тапсырады, есеп береді. Бұл әсіресе әйелдерге қиын. Жұмыстан кейін олар дүкенге жүгіріп, сыйлықтар мен азық-түліктер алып, балаларын мерекеге дайындайды. Өздерін де ретке келтіріп үлгеруі керек", - дейді келіншек.

Дегенмен бұл бастама барлық қазақстандықтардың көңілінен шығып отырған жоқ. Мәселен, таксопарктер 31 желтоқсан компаниялары үшін ең табысты күн болып саналатынын айтады. Сауда саласында да осы күні жұмыс қызады.

Ал Еңбек және халықты әлеуметтік қорғау министрлігінің мәліметінше, 31 желтоқсанға мемлекеттік мереке мәртебесін беруді ешкім ресми түрде сұрамаған.

Шенеуніктер 31 желтоқсан күнтізбенің "қызыл" күні болып белгіленсе, оның экономикаға кері әсер етуі мүмкін айтады.

Еңбек және халықты әлеуметтік қорғау министрлігі еңбек басқармасының жетекшісі Шалқар Оразбеков бұны түсіндіріп берді.

"Экономикалық тұрғыдан айтар болсақ, мұнда өндірісі үздіксіз жүріп тұрған кәсіпорындардың көпшілігі міндетті түрде кірістерінен айырылады. Мысалы, жұмыс уақытын ұтымды пайдалану үшін ұлттық мереке 16-17 желтоқсан деп айта аламын. Олар сәрсенбі-бейсенбіге түсті, жұма 18-не жұмыс күні болды. Сол себепті біз оны 20-на, жексенбіге ауыстырдық. Азаматтар осы кезеңде төрт күн қатарынан демалды", - дейді Оразбеков.

Ведомствоның хабарлауынша, елімізде ұлттық және мемлекеттік мереке күндері ғана демалыс беріледі. 31 желтоқсан бұл тізімге кірмейді.

1-2 қаңтар күндері мереке деп есептеледі. Биыл қазақстандықтар демалыс күндерінің кейінге шегерілуіне байланысты ұзағырақ демалады.

Дереккөз: КТК телеарнасы