Top.Mail.Ru

Сайт нұсқасы

ru kz

Зектілері

Қазақстандық танымал дәрігер өмірден озды

Опубликовано:

Азат Шибанова
Азат Шибанова. Фото: Қазақ онкология және радиология ғылыми-зерттеу институты

Танымал онколог, "Құрмет" орденінің иегері Азат Шибанова 88 жасында өмірден озды деп хабарлайды Sputnik Қазақстан.

Бұл туралы Қазақ онкология және радиология ғылыми-зерттеу институты хабарлады.

"Қазақстанның онкологиялық қызметі орны толмас қазаға ұшырады. Біздің ардагеріміз, профессор Азат Ілиясқызы Шибанова өмірден озды. Азат Ілиясқызы барлық ғұмырын Қазақ онкология және радиология ғылыми-зерттеу институтына және онкологиялық қызметті дамытуға арнады. Ол институтта 54 жыл еңбек етті", – делінген мекеменің ресми хабарламасында.

Азат Шибанова 1933 жылы Алматы облысындағы Қарабұлақ ауылында дүниеге келген. Алматы қаласында мемлекеттік медициналық институтта оқыды. 1960 жылы Қазақ онкология және радиология ғылыми-зерттеу институты құрылған кезден бастап осы мекемеде жұмыс істеді.

Профессор Шибанова клиникалық цитология – жасушалық материалды зерттеу мен бағалауды көздейтін талдау әдісін дамытуға үлкен үлес қосты. Оның қатысуымен "клиникалық цитология" деген жаңа мамандық туралы бұйрық әзірленген болатын. Оған қоса, тиісті нормативтер даярланды. Соның бәрі әлі күнге дейін пайдаланады.

1972-2005 жылдары Азат Шибанова денсаулық сақтау министрлігінің штаттан тыс бас цитологы қызметін де атқарды. Клиникалық цитология бойынша курстар өткізіп, 150-ден астам маманды даярлап шығарды. Осы тақырып бойынша 200-ден астам ғылыми материалы жарияланды.

2006 жылы Американың биографиялық институты Азат Шибанованы жыл адам деп таныды. Медицина саласындағы жетістіктері үшін Кембридж университетінің (Ұлыбритания) күміс медалімен марапатталған. 1981 жылы оған "Құрмет белгісі" мемлекеттік наградасы табысталды. Әл-Фараби атындағы I дәрежелі медаль мен "Еңбек айбыны үшін" медалін алған. Денсаулық сақтау саласының үздігі атанды. Ал 2019 жылы "Құрмет" орденімен марапатталған.

Мақаланың түпнұсқасы: https://kaz.nur.kz/society/1892908-kazakstandyk-tanymal-driger-mirden-ozdy/

pixel