Елімізде өткен тәулікте 1480 адамнан коронавирус анықталды
Опубликовано:
Өткен тәулікте елімізде COVID-19 инфекциясын жұқтырған 1480 адам тіркелді деп хабарлайды coronavirus2020.kz/kz.
Аймақтар бойынша:
Нұр-Сұлтан қаласы - 211
Алматы қаласы - 135
Шымкент қаласы - 9
Ақмола облысы - 219
Ақтөбе облысы - 9
Алматы облысы - 79
Атырау облысы - 101
Шығыс Қазақстан облысы - 31
Жамбыл облысы - 18
Батыс Қазақстан облысы - 89
Қарағанды облысы - 82
Қостанай облысы - 137
Қызылорда облысы - 9
Маңғыстау облысы - 11
Павлодар облысы - 217
Солтүстік Қазақстан облысы - 107
Түркістан облысы - 16
Жалпы ел бойынша коронавирус жұқтырғандар саны 178 454.
Айта кетейік, өткен тәулікте ауру жұқтырғандар ең көп тіркелген өңірдің бірі - Павлодар облысында карантин шаралары күшейтілгенін бұған дейін хабарлаған едік.
Енді аймақта қалааралық, облысаралық және өңір ішіндегі автобус тасымалына тыйым салынады. Тек Ақсу-Павлодар бағытындағы қозғалысқа рұқсат етілген.
Сонымен бірге кафелер мен мейрамханалар жұмысына да шектеу қойылды. Демалыс күндері аталған мекемелер клиент қабылдай алмайды. Тамақты жеткізіп беру қызметіне ғана рұқсат. Бұл шектеу шарасы сауда орталықтарындағы тамақтану орындарына да қатысты болмақ.
Жалпы өңір COVID-19-дың таралу көрсеткіші бойынша "қызыл аймаққа" кірген.
Еске сала кетсек, Түркістан облысында да карантин мен шектеу шаралары ұзартылды. Демалыс күндері жабық базар сынды кей нысандар жұмыс істемейді.
Мақаланың түпнұсқасы: https://kaz.nur.kz/society/1895377-elimizde-tken-tulikte-1480-adamnan-koronavirus-anyktaldy/
