RU

Павлодарда "науқас" анасын сылтауратқан жігіт 100 шақты қызды алдап соққан

Ұялы телефонға тыйым
Көрнекі фото: pixabay.com

Павлодар тұрғыны Instagram арқылы қыздармен танысып, алдап, олардың атына несие алған. Сонымен бірге ол ауыр халде жатқан анасы туралы айтқан. Сотта 92 факт бойынша алаяқтық дәлелденді деп хабарлайды KAZ.NUR.KZ порталы облыстық полиция департаментіне сілтеме жасап.

Ведомствоның мәліметінше, жас жігіт қыздарды алдаудың нақты схемасын жасаған. Жалған парақшалармен танысып, әңгіме-дүкен құрған, содан кейін олардың банктік деректемелерін сұрапты.

Әйелдер өздерінің жеке деректерін де жіберген. Мұның бәрі оған науқас анасын емдеуге ақша аудару үшін қажет деп алдаған.

Тергеу барысында қыздардың жеке дерегі олардың атына онлайн-несие алу үшін қажет болғаны анықталды.

Сот үкімімен алаяқ жігіт 3 жарым жылға бас бостандығынан айырылды, сондай-ақ 100 сағаттық мәжбүрлі жұмысқа жұмылдырылады.

Сонымен қатар, павлодарлық тағы екі адам сотталды, олардың есебінен 50-ден астам интернет-алаяқтық фактілері тіркелді. Алаяқтар түрлі сыйлықтарды ұтып алу туралы хабарлама жіберді. Оларға жауап бергендерден жәбірленушінің нөміріне келген SMS-тен кодты атауларын сұрады. Осылайша, олар есепшоттарынан ақшаны есептен шығарып үлгерді. Шығын шамамен 4 миллион теңгені құрады.

Еске салсақ, ғаламтор арқылы автокөлік сатып алмақ болған Петропавл қаласының тұрғыны жарты миллион теңгесінен айырылып қалды.

Басқа сатып алушының пайда болғанын алға тартып, психологиялық қысым жасау тәсілін қолданған алаяқ жұбайының еміне шұғыл қаражат қажет деп, петропавлдық алдын ала төлем жасаған жағдайда көлігін оған сататынын айтқан. Ақшаны алған алаяқ байланысқа шықпай қояды.

Мақаланың түпнұсқасы: https://kaz.nur.kz/society/1895521-pavlodarda-naukas-anasyn-syltauratkan-zigit-100-ge-zuyk-jeldi-aldap-sokkan/