RU

Қазақстанда бір аптаның ішінде коронавирустан қайтыс болғандар саны өскен

Палатадағы төсек-орын
Көрнекі фото: Antonio Masiello/Getty Images

Өткен аптада, 18-24 қаңтар аралығында елімізде коронавирустан 73 адам көз жұмған. Бұл туралы "COVID-19 таралуына жол бермеу жөніндегі ВАК" ресми Telegram арнасында хабарлады.

Аймақтар бойынша жағдай келесідей:

  • Алматы қаласында - 14 өлім жағдайы тіркелді;
  • Батыс Қазақстан облысында - 14
  • Алматы облысында - 12
  • Шығыс Қазақстан облысында - 6
  • Нұр-Сұлтан қаласында - 6
  • Шымкент қаласында - 4
  • Қарағанды облысында - 4
  • Павлодар облысында - 4
  • Ақмола облысында - 2
  • Ақтөбе облысында - 2
  • Атырау облысында - 2
  • Қостанай облысында - 2
  • Солтүстік Қазақстан облысында - 1.

Індет басталғалы бері елімізде коронавирустан 2 476 адам қайтыс болған.

Айта кетейік, бүгін үкіметтің кеңейтілген отырысында Қасым-Жомарт Тоқаев денсаулық сақтау министрі мен өңір әкімдеріне халықты жаппай вакциналау мәселесіне қатысты бірқатар тапсырма берді.

Мемлекет басшысы барлық министр мен әкімді вакцинациялау науқанына баса мән беруге шақырды.

Сонымен қатар президент коронавирусқа қарсы қазақстандық вакцинаны салдыратынын мәлімдеді.

Сонымен бірге денсаулық сақтау министрі Алексей Цой эпидемиологиялық ахуалы жеткілікті деңгейде қадағаланбай жатқан үш өңірді атады.

Оның айтуынша, Ақмола, Павлодар, Қостанай облыстарында эпидемиологиялық ахуалды жеткілікті деңгейде бақылау жүргізіліп жатқан жоқ.

Республикада коронавирус жұқтырған азаматтардың 40 пайызы – осы үш облыстың тұрғындары.

Мақаланың түпнұсқасы: https://kaz.nur.kz/society/1895772-kazakstanda-bir-aptany-isinde-koronavirustan-lim-zitim-sany-sken/