Бүгін еліміздің басым бөлігінде жауын-шашын мен тұман күтіледі

"Қазгидромет" РМК өкілдері 8 ақпанға арналған ауа райы болжамын ұсынады. Синоптиктердің мәліметінше, еліміздің басым бөлігінде жауын (жаңбыр, қар), солтүстікте – қар жауады.

Тек батыста жауын-шашынсыз ауа райы күтіледі. Республиканың кей жерлерінде тұман, көктайғақ, бұрқасын болып, жел күшеюі ықтимал.

Павлодар облысының кей жерлерінде бұрқасын, тұман, көктайғақ күтіледі, желдің екпіні секундына 15-20 метрге, кей жерлерде 30 метрге дейін күшейеді.

Солтүстік Қазақстан облысының кей жерлерінде бұрқасын күтіледі, басым бөлігінде желдің екпіні секундына 15-28 метрге дейін жетуі мүмкін.

Ақмола облысының кей жерлерінде бұрқасын, тұман күтіледі, желдің екпіні түнде кей жерлерде 15-20 м/с, күндіз 15-20 м/с, 23-28 м/с дейін күшеюі ықтимал.

Қарағанды облысының кей жерлерінде де бұрқасын, тұман, көктайғақ болуы ықтимал, желдің екпіні түнде кей жерлерде 15-20 м/с, күндіз 15-20 м/с, 23-28 м/с дейін күшейеді деп күтілуде.

Шығыс Қазақстан облысының кей жерлерінде бұрқасын, тұман, көктайғақ күтіледі, желдің екпіні секундына 23-28 метрге дейін жетуі мүмкін.

Қостанай облысының кей жерлерінде де бұрқасын күтіледі, желдің күші 23 м/с дейін жетуі ықтимал.

Жамбыл облысының кей жерлерінде тұман, көктайғақ, бұрқасын болып, желдің екпіні секундына 23-28 метрге дейін жетуі ықтимал.

Түркістан, Қызылорда облыстарының кей жерлерінде тұман, көктайғақ күтіледі, желдің екпіні күндіз секундына 23-28 метрге дейін жетуі мүмкін.

Ақтөбе облысының кей жерлерінде тұман, бұрқасын болып, желдің екпіні 15-20 м/с дейін күшеюі ықтимал.

Алматыда және Маңғыстау облысының кей жерлерінде түнде және таңертең көктайғақ күтіледі.

Алматы облысының кей жерлерінде тұман күтіледі, желдің екпіні секундына 18-23 метрге дейін жетуі мүмкін.