Таразда әлеуметтік дүкен ашылды (фото)

Тараз қаласының Шалғай Қарасу, "Аса" шағын аудандарында әлеуметтік дүкен ашылды.

Облыс әкімі Бердібек Сапарбаевтың бастамасымен аймақта әлеуметтік дүкендердің санын арттыру қолға алынғаны белгілі. Негізгі міндет - әлеуметтік маңызы бар азық-түлік тауарларының бағасын тұрақтандыру және төмен бағадағы азық-түлікті қол жетімді ету.

Бүгін осы мақсатта Тараз қаласының Шалғай Қарасу, "Аса" шағын аудандарында әлеуметтік дүкен ашылды.

Мұндағы сөрелерге ауыл шаруашылығы тауар өндірушілерінің өнімдері қойылып, нарық бағасынан 10-20 пайыз төмен бағада сатылатын болады.

Бүгінгі күні облыс орталығында 14 дүңгіршек жұмыс істеп тұр. Оның 8-і заманауи үлгіде. Тағы 7 әлеуметтік дүкен жаңадан салынады.

Одан бөлек, алдағы уақытта Тараз қаласының аумағындағы Шөлдала алқабында, сондай-ақ Жуалы, Байзақ және Жамбыл аудандарында дүңгіршектер орналастыру жоспарлануда.

Жалпы жыл соңына дейін тараз қаласының өзінде 15 заманауи үлгідегі әлеуметтік дүкен тұрғындардың игілігіне берілуі тиіс.

Мәтіннен қате тапсаңыз, бізге жазыңыз