Қазақстандықтар шілде айында қанша күн демалады

Шілде айында қазақстандықтарды екі мереке мен екі мерекелік демалыс күтіп тұр. Аптасына бес күн жұмыс істейтін қазақстандықтар келесі айда 11 күн, ал алты күн еңбек ететіндер, сәйкесінше 6 күн демалады деп хабарлайды KAZ.NUR.KZ тілшісі электрондық үкімет порталына сілтеме жасап.

6 шілде күні қазақстандықтар астана күнін тойлайды. Мерекелік демалыс күні сейсенбіге түседі. Осы ретте аптасына бес күн жұмыс істейтін азаматтар үш күн қатарынан - 4, 5 және 6 шілде күндері демалады. Алайда 3 шілде, сенбі жұмыс күні болады.

Ал аптасына 6 күн жұмыс істейтіндер 4 және 6 шілдеде демалады.

Сондай-ақ, биыл Құрбан айт мерекесі 20-22 шілде аралығында түсіп тұр. Дегенмен мейрамның алғашқы күні, яғни 20 шілде күні ғана демалыс болады.

Еске сала кетсек, бұған дейін ел тұрғындары маусым айында неше күн демалатынын жазған едік.

Жаздың алғашқы айында демелыс берілетін мереке жоқ. Сондықтан аптасына бес күн жұмыс істейтін ел тұрғындары маусымда 8 күн демалады. Яғни, сенбі, жексенбіге түсетін 5, 6, 12, 13, 19, 20, 26, 27-сі күндері. Негізінде маусымда атаулы күндер жоқ емес:

• 4 маусым – Қазақстан Республикасының мемлекеттік рәміздері күні;
• 6 маусым – қаржы полициясы күні;
• 20 маусым – медицина қызметкерлері күні;
• 28 маусым – бұқаралық ақпарат құралдары қызметкерлері күні.

Одан бөлек, жаздың екінші айында көптеген маңызды күн және халықаралық мерекелер бар:

• 1 маусым – Балаларды қорғау күні;
• 5 маусым – Дүниежүзілік қоршаған ортаны қорғау күні;
• 26 маусым – есірткіні теріс пайдалану мен олардың заңсыз айналымына қарсы халықаралық күрес күні.

Мәтіннен қате тапсаңыз, бізге жазыңыз