Жаңбыр, бұршақ, шаңды дауыл: Синоптиктер бүгінгі күнге ауа райы болжамын ұсынды

"Қазгидромет" РМК синоптиктері 11 маусымда болатын ерекше метеорологиялық құбылыстарға болжау консультациясын назарға ұсынды.

Еліміздің басым бөлігінде атмосфералық фронтальды бөліктердің өтуіне байланысты тұрақсыз ауа райы сақталады. Жаңбыр жауып, найзағай жарқылдайды, еліміздің оңтүстік-шығысында, таулы аудандарда қатты жаңбыр жауады.

Республиканың кей жерлерінде дауыл, бұршақ, желдің күшеюі, оңтүстік және оңтүстік-шығысында шаңды дауыл күтіледі, солтүстікте түнде және таңертең тұман болады.

Жамбыл облысының кей жерлерінде шаңды дауыл, дауыл, бұршақ күтіледі, желдің күші 15-20 м/с болып, екпіні 23-28 м/с дейін жетеді. Түркістан облысының кей жерлерінде шаңды дауыл болып, желдің күшеюі 15-20 м/с, күндіз екпіні 25 м/с болады деп күтіледі. Таулы аудандарда дауыл болады.

Алматы облысының кей жерлерінде дауыл, бұршақ күтіліп, найзағай кезінде жел 15-20 м/с дейін жетеді, ал екпіні 25 м/с дейін күшейеді. Ақмола, Батыс Қазақстан, Қарағанды облыстарының кей жерлерінде бұршақ күтіліп, жел 15-20 м/с дейін күшейеді, Қарағанды облысының кей жерлерінде дауыл болады.

Солтүстік Қазақстан, Шығыс Қазақстан облыстарының кей жерлерінде дауыл, бұршақ күтіледі, жел 15-20 м/с болып, күндіз екпіні 25 м/с дейін күшейеді, Солтүстік Қазақстан облысының кей жерлерінде түнде және таңертең тұман болады.

Ақтөбе, түнде Маңғыстау, күндіз Қостанай, Павлодар облыстарының кей жерлерінде жел 15-20 м/с дейін күшейеді.

Қызылорда, Түркістан, Жамбыл, Ақтөбе облыстарының басым бөлігінде, Қарағанды, Алматы, Қостанай, Батыс Қазақстан облыстарының кей жерлерінде, Ақмола, Павлодар, Шығыс Қазақстан облыстарының жекелеген аудандарында төтенше өрт қаупі сақталады.