RU

Бекшин Алматыдағы балаларды мектепке қайтару шарттарын айтты

қыз бала
Көрнекі фото: pixabay.com

Алматының бас санитар дәрігері онлайн-брифинг барысында балалар қандай жағдайда мектепке бара алатынын айтты деп хабарлайды KAZ.NUR.KZ.

Бекшиннің айтуынша, тұрғындардың коронавирусқа қарсы вакцинациясының деңгейіне байланысты.

"Менің жеке пікірімше, егер студенттер оффлайн режимде оқығысы келсе, онда мұғалімдер мен студенттердің кем дегенде 80%-ы вакцина салдыруы керек. Сол сияқты бұл балабақша тәрбиеленушілері мен мектеп оқушыларына қатысты. Егер отбасындағы 18 жастан асқан адамдар екпе алса, онда балалар шектеусіз офлайн режимде оқуы керек", – деп түсіндірді ол.

Оның айтуынша, халық арасында вакцинациялау сияқты алдын алу шарасы көптеген мәселені шешеді. Бекшин онлайн оқудың уақыты өткеннен кейін ол балаларды офлайн оқуға қайтарудың жақтаушысы екенін атап өтті.

"Менің ойымша, келесі жаңа оқу жылын барлығы оффлайн режимде, яғни тікелей білім беру мекемелеріне барудан бастауы керек. Ол үшін 18 жастан асқан барлық адамдарға вакцина егу керек. Егер студенттер жатақханада тұрса, медициналық қарсы көрсеткіші барларды қоспағанда, бәріне бірдей вакцина салдыру қажет. Сонда біз қажетті шаралармен балаларымызды толықтай оқыта аламыз", – деп түйіндеді Алматы қаласының бас санитар дәрігері.

Еске салсақ, Алматының бас санитар дәрігері Жандарбек Бекшин "жасыл" аймақта тұрған мегаполисте 19 маусымнан бастап жаңа қаулы күшіне енетінін мәлімдеген еді.

Мақаланың түпнұсқасы: https://kaz.nur.kz/society/1918182-beksin-almatydagy-balalardy-mektepke-qaitaru-sarttaryn-aitty/