RU

Қазақстанда орташа жалақы 250 мың теңгеден асты

Ақша
Көрнекі фото: NUR.KZ/Петр Карандашов

Соңғы есепті кезеңдегі Қазақстандағы орташа айлық жалақы 250 мың теңгеден асты. Еліміздің қай аймағында азаматтар жалақыны көп мөлшерде алатыны туралы Нұрфин дайындаған мақаладан оқыңыз.

Орташа жалақының көрсеткіші елдегі жалдамалы жұмысшылардың орташа табыс деңгейін көрсетеді.

Бұл сома жеке топтардың немесе жұмысшылардың жалақысын көрсетуі міндетті емес. Сондықтан, егер жалдамалы жұмысшылардың біреуі орташа жалақыдан әлдеқайда аз жалақы алса, онда одан әлдеқайда көп алатындар бар.

Орташа жалақыны есептеу кезінде аз жалақы төленетін аймақтарда жұмыс тәжірибесі мен біліктілігі жоқ жұмысшылардың табысы да, жоғары жалақы өндірістерінде жоғары лауазым иелері де ескеріледі.

Мәселен, ағымдағы жылдың екінші тоқсанында Қазақстанда орташа айлық жалақы 251 508 теңгені құрады. Көрсеткіш бірінші тоқсанмен салыстырғанда 9%-ға, ал бір жыл ішінде 18,6%-ға өсті.

Нақты мәнде, яғни инфляцияны ескере отырып, тоқсандағы өсім 6,5%, бір жыл ішінде – 10,4% құрады.

Ақпараттық кесте
Ақпараттық кесте: Ұлттық статистика бюросы

Атырау облысы еңбекақы мөлшері бойынша бірінші орында

Аймаққа байланысты орташа айлық жалақы айтарлықтай ерекшеленеді. Бәрінен бұрын бұл көрсеткіш еліміздің мұнай орталығы – Атырау облысында. Мұнда орташа жалақы 398 469 теңгені құрайды.

Жұмысшылардың табысы бойынша үш көшбасшы қатарына Маңғыстау облысы – 353 447 теңге, сондай-ақ еліміздің астанасы Нұр-Сұлтан қаласы кіреді – 344 496 теңге.

Алматы мен Шымкент тұрғындары орта есеппен 295 958 және 203 114 теңге алады.

Екі жүз мың теңгеден аз, орташа айлық жалақы Қостанай және Солтүстік Қазақстан облыстарында сәйкесінше 199 168 және 189 807 теңгені құрайды.

Осылайша, жалақы мөлшерінің айырмашылығы аймақтар жағдайында да байқалады – ең төменгі көрсеткіш жоғарыдан екі есе аз.

Ақпараттық кесте
Ақпараттық кесте: Ұлттық статистика бюросы

Қаржыгерлер мен сақтандырушылар топ жарды

Нақтырақ айтсақ, орташа жалақы деңгейінің айырмашылығын экономикалық қызмет түрлері тұрғысынан көруге болады.

Мысалы, ағымдағы жылдың екінші тоқсанындағы ең жоғары орташа табыс қаржылық және сақтандыру қызметі саласында байқалды. Мұнда орташа айлық жалақы 472 555 теңгені құрады.

Соңғы тоқсанда кен өндіру өнеркәсібі мен карьерлерді қазу өнеркәсібі көшбасшы болды, бірақ биыл осы қызмет түрін ұсынатын жұмысшылардың орташа айлық жалақысы 461 789 теңгеге дейін төмендеді.

Орташа жалақысы 356 753 теңгені құрайтын үшінші орынды кәсіби, ғылыми және техникалық қызмет иеленді.

Орташа айлық жалақының ең төмен мөлшері ауыл, орман және балық шаруашылығы қызметкерлеріне төленді – 145 631 теңге.

Үш антикөшбасшыға сонымен қатар сумен жабдықтау, қалдықтарды жинау, тазарту және жою саласы кірді, оның ішінде ластануды жою бойынша қызметтер – орта есеппен 146 531 теңге, ал өнер, ойын-сауық және демалыс қызмет түрімен айналысатын жұмысшылар 156 658 теңге алады.

Мақаланың түпнұсқасы: https://kaz.nur.kz/society/1924758-qazaqstanda-ortasa-zalaqy-250-myn-tengeden-asty/