Top.Mail.Ru

Сайт нұсқасы

ru kz

Зектілері

Жамбыл облысындағы ТЖ: Қираған үйлерді қалпына келтіру жұмыстары қалай жүріп жатыр (фото)

Опубликовано:

Жарылыстан бүлінген үй
Фото: Жамбыл облысы әкімінің баспасөз қызметі

Жамбыл облысындағы төтенше жағдайдан бүлінген үйлер екі айдың ішінде қалпына келтірілмек. Бұл туралы өңір әкімі Бердібек Сапарбаев мәлімдеді деп хабарлайды Жамбыл облысы әкімінің баспасөз қызметі.

Өңір басшысы Бердібек Сапарбаевтың сөзіне сенсек, Жамбыл облысы, Байзақ ауданының тұрғындарына көмек ретінде жергілікті бюджеттен қаражат бөлініп, сондай-ақ көмек көрсетуге демеушілер де тартылатын болады.

Бүлінген үй
Фото: Жамбыл облысы әкімінің баспасөз қызметі

31 тамыз күні Сапарбаев Индустрия және инфрақұрылымдық даму бірінші вице-министрі Қайырбек Өскенбаевпен бірге қалпына келтіру жұмыстарының барысымен танысып, ауыл тұрғындарымен кездесу мақсатында Байзақ ауданының Қайнар ауылында болды.

"Сарапшы мамандар әр үйді тексеріп, қорытынды жасады. Үйлеріңіз толықтай қалпына келтіріліп, екі ай ішінде қоныстанатын боласыздар. Біз сіздермен біргеміз. Ешкімді көмексіз қалдырмаймыз", - деп сендірді Бердібек Сапарбаев.

Сапарбаев бүлінген үйде
Фото: Жамбыл облысы әкімінің баспасөз қызметі

Айта кетсек, Байзақ ауданында төтенше жағдай кезінде бүлінген нысандарды тексеру және қалпына келтіру үшін жеті жұмыс тобы құрылды. Олардың құрамына құрылыс басқармасының, ҚазҚСҒЗИ, жобалау ұйымдарының қызметкерлері және ТЖ қызметкерлері тартылды.

Жаралыстан бүлінген үй
Фото: Жамбыл облысы әкімінің баспасөз қызметі

"Мемлекет екі ай ішінде 124 нысанды, оның ішінде 106 тұрғын үйді қалпына келтіруге міндеттеме алды. Олардың 35-і күрделі жөндеуді қажет етеді, қазіргі таңда 29 тұрғын үйде жөндеу жұмыстары басталды. Қалған 71 үйге ағымдағы жөндеу жұмыстары жүргізілуде және бұл жұмыстар 60 пайызға орындалды.

Жарылыстан бүлінген үй
Фото: Жамбыл облысы әкімінің баспасөз қызметі

Сондай-ақ, 4 әлеуметтік нысан қираған, оның үшеуіне ағымдағы жқндеу жұмыстары жүргізілді. Ал, апатты жағдайда тұрған Жібек жолы ауылындағы №5 орта мектептің ескі мектеп орнына жаңа 150 орындық мектеп салу туралы шешім қабылданды", - дейді Жамбыл облысы әкімінің кеңесшісі Жандос Байырханов.

"Біздің үйді қалпына келтіру жұмыстары жүргізіліп жатқанына үш күн болды. Жұмысшылар күн сайын таңғы 9-да келіп, кеш батқанда қайтады. Жөндеу жұмыстары басталмай тұрып, құрылыс жасағының бақылаушысы (бригадир) үйдің толық қалпына келтірілетініне сендіріп, қандай жұмыстар жүргізілетінін түсіндірді", - дейді Қайнар ауылының тұрғыны Өсембай Еркембай.

Мақаланың түпнұсқасы: https://kaz.nur.kz/society/1929722-zambyl-oblysyndagy-tz-baizaq-audanynyn-turgyndary-oz-uilerine-qasan-oralady-foto/

pixel