RU

«Қазгидромет» Қазақстанның бірнеше өңірінде ауа райына байланысты ескерту жариялады

жел
Көрнекі фото: sterhluki.ru

«Қазгидромет» РМК-сы Қазақстан өңірлерінде 3 қыркүйекте болатын ауа райына байланысты ескерту жариялады.

Синоптиктердің болжамына сәйкес, 3 қыркүйекте Батыс Қазақстан облысының солтүстік-батысында нөсер жауын жауады. Облыстың солтүстік-батысында найзағай ойнап, бұршақ жауады. Жел оңтүстік-батыстан, оңтүстіктен соғып, найзағай кезінде желдің жылдамдығы секундына 15-20 метрге жетеді.

Оралда кей уақытта найзағай ойнап, бұршақ жауады. Жел оңтүстік-батыстан, оңтүстіктен соғып, күндіз екпіні 15-20 м/с.

Қызылорда облысында 3 қыркүйекте күндіз, 4-5 қыркүйекте шығыстан соққан жел солтүстікке ауысып, күші 15-20 м/с болады. Төтенше өрт қаупі сақталады.

3 қыркүйекте күндіз Ақтөбе облыстың оңтүстігінде шаңды дауыл тұрады. Оңтүстік-шығыстан, оңтүстіктен жел соғып, түнде облыстың батысында, күндіз басым бөлігінде желдің жылдамдығы 15-20 м/с болады. Өңірдің басым бөлігінде төтенше өрт қауіпі сақталады. Ақтөбеде 3 қыркүйекте күндіз оңтүстік-шығыстан, оңтүстіктен жел соғып, екпіні секундына 15-20 метрге жетеді.

Түркістан облысының таулы аудандарында шығыстан соғатын желдің екпіні 15-20 м/с-қа жетеді. Облыстың басым бөлігінде төтенше өрт қауіпі сақталады.

Атырау облысының батысында және орталығында найзағай ойнайды. Жел оңтүстік-шығыстан солтүстік-батысқа ауысып, найзағай кезінде желдің жылдамдығы секундына екпіні 15-20 метрге дейін жетеді. Атырауда кей уақыттарда найзағай ойнайды. Жел оңтүстік-шығыстан солтүстік-батысқа ауысып, күндіз екпіні 15-18 м/с болады.

Маңғыстау облысының батысында 3 қыркүйек күні күндіз шаңды дауыл тұрады. Түнде облыстың солтүстік батысында, күндіз облыстың солтүстік-шығысында, оралығында найзағай ойнайды. Солтүстік-батыстан жел соғып, облыстың батысында, солтүстік-шығысында желдің күші секундына 15-20 метрге жетеді.

Ақтауда күндіз шаңды дауыл тұрып, солтүстік-батыстан жел соғады, күші 15-20 м/с болады. Қарағанды облысының оңтүстік-шығысында солтүстік-шығыстан соғатын жел оңтүстік-шығысқа ауысады, екпіні 15-20 м/с-ке жетеді. Түнде және таңертең облыстың солтүстігінде тұман түседі. Облыстың оңтүстік-батысында төтенше өрт қаупі сақталады.

Күндіз 3 қыркүйекте Қостанай облысының батысында оңтүстіктен жел соғып, күші секундына 15-20 метрге жетеді. Оңтүстік-батысында төтенше өрт қауіпі сақталады.

Солтүстік Қазақстан облысының солтүстігінде оңтүстік-шығыстан жел соғып, күші 15-20 м/с болады. Петропавлда оңтүстік-шығыстан жел соғады, екпіні 15-20 м/с болады.

Мақаланың түпнұсқасы: https://kaz.nur.kz/society/1930163-qazgidromet-qazaqstannyn-birnese-onirinde-aua-raiyna-bailanysty-eskertu-zariyalady/