Тұман, үсік, жел: Еліміздің бірқатар өңірінде дауылды ескерту жарияланды

Қазгидромет синоптиктері ауа райы болжамын жасап, бірнеше өңірде дауылды ескерту жариялады.

Нұр-Сұлтан қаласында 12 қыркүйекте түнде және таңертең тұман күтіледі. Солтүстік-батыстан жел соғады, таңертең және күндіз екпіні 15-18 м/с.

12-14 қыркүйекте Қызылорда облысында төтенше өрт қаупі сақталады.

12 қыркүйекте түнде және таңертең Ақмола облысының солтүстігінде оңтүстік-шығысында тұман күтіледі. Солтүстік-батыстан, батыстан жел соғады, облыстың солтүстігінде, шығысында, оңтүстік-шығысында екпіні 15-20 м/с күтіледі. Түнде облыстың оңтүстік-батысында 2 градус үсік күтіледі.

12 қыркүйекте түнде Ақтөбе облысының солтүстігінде 2 градус үсік күтіледі.

12-13 қыркүйекте Қарағанды облысының солтүстігінде, солтүстік-батысында тұман күтіледі. Солтүстік-батыстан жел соғады, 12 қыркүйекте облыстың солтүстігінде, шығысында, орталығында екпіні 15-20 м/с күтіледі. Түнде 12-13 қыркүйекте облысытың солтүстігінде, шығысында 2 градус үсік күтіледі. Облыстың батысында төтенше өрт қаупі сақталады.

Күңдіз 12 қыркүйекте Павлодар облысында батыстан жел соғады, екпіні 15-20 м/с күтіледі.

12 қыркүйекте түнде Шығыс Қазақстан облысының солтүстігінде, күндіз басым бөлігінде найзағай күтіледі. Жел батыстан, солтүстік-батыстан соғады, найзағай кезінде екпіні 15-20 м/с жетеді.

12 қыркүйекте Солтүстік Қазақстан облысының түнде басым бөлігінде жаңбыр күтіледі. Облыстың шығысында найзағай күтіледі. Түнде облыстың батысында 2 градус үсік күтіледі. Батыстан, солтүстік-батыстан жел соғады, күші 15-20, күндіз екпіні 23-28 м/с күтіледі.

Түнде 12 қыркүйекте Қостанай облысының батысында 2 градус үсік күтіледі. Түнде және таңертең облыстың солтүстігінде, солтүстік-батысында тұман күтіледі. Солтүстік-батыстан, батыстан жел соғады, күші күндіз облыстың солтүстігінде 15-20 м/с.