Шетел ЖОО-ларындағы қазақстандық студенттер жаппай еліміздің университеттеріне ауыса бастады

2021 жылы шетелде білім алған 11 мыңнан астам қазақстандық еліміздің жоғары оқу орындарына ауысты деп хабарлайды Қазақстан Білім және ғылым министрлігі ресми сайтында.

Еліміздегі ЖОО-ларға ауысқан студенттердің дені Ресей университеттерінде оқып келген. Сондай-ақ, олардың арасында бұрын АҚШ, Қытай, Франция, Мажарстан, Чехия, Польша, Түркия университеттерінде оқыған, бірақ Қазақстанда оқуын жалғастыруға шешім қабылдаған студенттер де бар.

"Қысқы және жазғы сессияның қорытындысы бойынша бұрын шетелде білім алған 11 мыңнан астам студент қазақстандық жоғары оқу орындарына ауысуға ниет білдірді. Олар жеңілдетілген ауысу тәртібі бойынша қабылданып, қазір отандық жоғары оқу орындарында білім алып жатыр.

Мәселен, олар Әл-Фараби атындағы Қазақ ұлттық университеті, Қазақ ұлттық қыздар педагогикалық университеті, Нархоз университеті, Қ. Сәтпаев атындағы ҚазҰТЗУ және басқа да жоғары оқу орындарына қабылданды. Өткен жылы шетелдік жоғары оқу орындарынан 15 мыңға жуық студент біздің университетімізге ауысты", – деді БҒМ Жоғары және жоғары оқу орнынан кейінгі білім департаментінің директоры Әділет Тойбаев.

БҒМ студенттер санының артуына байланысты жаңа жатақханаларды салу және бар жатақханаларды реконструкциялау қарқынын жеделдету үшін тетіктер әзірленгенін атап өтті.

Мекеме мәліметтеріне сенсек, осы жылдың соңына дейін елімізде 37 жаңа студенттік жатақхана пайдалануға беріледі.

Мақаланың түпнұсқасы: https://kaz.nur.kz/society/1933825-setel-zoo-laryndagy-qazaqstandyq-studentter-zappai-elimizdin-universitetterine-auysa-bastady/