RU

Министрлік Маңғыстауда жарақат алған әскери қызметкерлердің денсаулығы жайлы айтты

Фото
Көрнекі фото: pixabay.com

Қорғаныс министрлігі Маңғыстау облысындағы оқу-жаттығу полигонын жоспарлы тазалау кезінде жарақат алған 5 әскери қызметкердің денсаулығына қатысты түсінік берді, деп хабарлайды ҚазАқпарат.

Ведомство мәліметіне сүйенсек, оқиға 27 қазанда болған. Зардап шеккен барлық әскери қызметкер авиациямен елордадағы госпитальге жеткізілген.

"Мамандандырылған медициналық көмек көрсету мақсатында Маңғыстау облысындағы оқу-жаттығу полигонын жоспарлы тазалау кезінде жарақат алған 5 әскери қызметкер әскери-көліктік авиация ұшағымен Нұр-Сұлтан қаласындағы Бас әскери-клиникалық госпиталіне жеткізілді.

Әскери қызметшілерді хирургия саласының мамандары тексерді, олардың жағдайы бір қалыпты, нашарламаған. Диагностикалық және емдеу процедураларының барлық кешені жүргізілуде.

Қорғаныс министрлігі жалған ақпарат таратпауды, тек ресми ақпарат көздеріне сенуді сұрайды", - делінген ведомствоның баспасөз қызметі ұсынған мәліметте.

Мақаланың түпнұсқасы: https://kaz.nur.kz/society/1939682-ministrlik-mangystauda-zaraqat-algan-askeri-qyzmetkerlerdin-densaulygy-zaily-aitty/