RU

Алексей Цой қысқа мерзімді еңбек демалысына шықты

Министр
Фото: Үкіметтің баспасөз қызметі

Денсаулық сақтау министрінің бірінші орынбасары Марат Шоранов үкімет отырысына Алексей Цойдың неліктен қатыспағанын түсіндірді деп хабарлайды Zakon.kz.

Бүгін үкімет отырысында Алексей Цойдың бірінші орынбасары Марат Шоранов Қазақстандағы эпидемиологиялық жағдай туралы баяндады.

Сонымен қатар, вице-министр Алексей Цойдың неліктен үкімет отырысына қатыспағанын жеткізді.

"Алексей Владимирович еңбек демалысында. Оның келесі апта - дүйсенбіге дейін бір апталық қысқа демалысы бар", - деді Марат Шоранов.

Еске салсақ, бұған дейін үкіметтің онлайн отырысында денсаулық сақтау министрі Алексей Цой Қазақстанда коронавирустың таралуы бойынша алдағы қыс мезгіліне арналған жаңа болжамын жария еткен еді.

Мақаланың түпнұсқасы: https://kaz.nur.kz/society/1940523-aleksei-coi-qysqa-merzimdi-enbek-demalysyna-syqty/