Тәліптер ауруханаға күйеуінсіз келген әйелдерді емдеуге тыйым салды

Опубликовано:

Ауғанстан
Фото: etilaatroz.com

Ауғанстанның Газни провинциясындағы "Талибан" (Қазақстандағы тыйым салынған ұйым) өкілдері дәрігерлерге ауруханаға басқа әйел туыстарымен келген нәзік жандыларға медициналық көмек көрсетуге тыйым салды, деп хабарлайды Etilaatroz.

Басылым дерегінше, әйелдердің ер адамсыз ауруханаға баруы заңсыз және азғындық болып саналады, сондықтан дәрігерлер мен медициналық мекемелердің қызметкерлері мұндай науқастарды қабылдаудан бас тартуы керек.

Айта кетейік, осыған дейін тәліптер Ауғанстанда әйелдердің құқығы ислам аясында қорғалатынын, оларға білім алуға, жұмыс істеуге рұқсат берілетінін айтқан еді.

"Талибан" елде әйелдердің спортпен айналысуына, сондай-ақ, нәзік жандылар қатысатын сериалдарды көрсетуге тыйым салды.

Мақаланың түпнұсқасы: https://kaz.nur.kz/society/1948305-talipter-auruxanaga-kuieuinsiz-kelgen-aielderdi-emdeuge-tyiym-saldy/