Қазақстанда ХҚКО жаңажылдық мерекелерде қалай жұмыс істейді

"Азаматтарға арналған үкімет" мемлекеттік корпорациясы мереке күндері халыққа қызмет көрсету орталықтарының жұмыс кестесін жариялады деп хабарлайды KAZ.NUR.KZ тілшісі компанияның баспасөз қызметіне сілтеме жасап.

Мемлекеттік корпорация өкілдері қазақстандықтарды келе жатқан Жаңа жыл мерекесімен құттықтап, халыққа қызмет көрсету орталықтары мен арнайы орталықтар қаңтардың 1-і мен 4-і, сондай-ақ 7-сі күні жұмыс істемейтінін ескертті.

5 және 6 қаңтарда ХҚКО штаттық режимде жұмыс істейді: сағат 9:00-ден 18:00-ге дейін, деп қосты баспасөз қызметі.

Сонымен қатар, корпорация мемлекеттік қызметтердің 93 пайызы ресми портал, қосымша немесе Telegram боты арқылы онлайн режимінде қолжетімді екені атап өтті.