Қазақстанда азық-түлік базарларының қалай жұмыс істейтіні белгілі болды

Сауда және интеграция министрлігі еліміздің өңірлеріндегі азық-түлік базарларының жұмыс кестесін жариялады.

120-ға жуық азық-түлік базары Қазақстанның барлық дерлік өңірлерінде жұмыс істейді. Бұл ақпаратты Хабар 24 арнасы ұсынып отыр.

Олардың жұмыс істеу уақытында айырмашылықтар бар болып шықты.

Мәселен, елордада сауда орындары 08:00-18:00 аралығында қызмет көрсетсе, Шымкентте базарлар таңғы тоғызда ашылып, кешкі беске дейін жұмыс істейді.

Өңірлердегі базарлардың толық жұмыс кестесі:

• Нұр-Сұлтан – 08:00-18:00;
• Шымкент – 09:00-17:00;
• Тараз – 09:00-17:00;
• Ақтөбе – 10:00-18:00;
• Орал – 10:00-17:00;
• Ақтау – 09:00-18:00;
• Атырау – 09:00-18:00;
• Көкшетау – 09:00-18:00, сонымен қатар 08:00-16:00;
• Қостанай – 10:00-18:00, сонымен қатар 10:00-17:00;
• Петропавл – 10:00-15:00;
• Қарағанды – 09:00-18:00;
• Талдықорган – 12:00-17:00;
• Павлодар – 09:00-18:00;
• Түркістан – 09:00-18:00.

Айта кетейік, осыған дейін Алматы қаласында ірі супермаркеттер, базарлар, дәріханалар және жанар-жағармай құю бекеттері қайта жұмысын бастағанын жазған едік.