WhatsApp мессенджерінде тегін 50 GB берілетіні туралы ақпарат қаншалықты рас

Опубликовано:

Көрнекі
Көрнекі фото: pexels.com

Қазақстандықтар WhatsApp компаниясы атынан тегін 50 ГБ интернет-трафик алу жөніндегі нұсқаулықты бөлісуде. Ол үшін пайдаланушыларға порталға өтіп, қысқа сауалнамадан өту ұсынылады. Бұл - алаяқтық, деп хабарлайды Stopfake.kz.

WhatsApp компаниясынан тегін 50 ГБ трафик алу туралы хабарлама 2020 жылы Желінің ағылшын тілді сегментінде кеңінен тараған. Оны тексерген фаткчекерлер мұндай хабарламалар фейк болып табылады деген қорытынды жасады.

Хабарламалардың фейк екендігін ақысыз трафик алу үшін сауалнамадан өтуге арналған сілтемеден байқауға болады.

WhatsApp сайтында компанияның барлық ресми хабарламалары порталда жарияланатыны, оның мекен жайы whatsapp.com деп басталатыны айтылған.

Сауалнама парақшасына апаратын сілтеме ldivipvi3.xyz-тен басталады.

Мақаланың түпнұсқасы: https://kaz.nur.kz/society/1951561-whatsapp-messendzerinde-tegin-50-gb-beriletini-turaly-aqparat-qansalyqty-ras/