"Сиырдың сүйегі тұрып қалған": Алматылық дәрігерлер тоқтаусыз жөтелген тұрғынды құтқарды

Опубликовано:

Науқастың тамағына сүйек тұрып қалды
фото : ОҚКА

Алматы қаласының дәрігерлері кеңірдегіне сиыр етінің сүйегі тұрып қалған науқасты құтқарып қалды, деп хабарлайды Almaty.tv.

Орталық қалалық клиникалық ауруханасына 5 күн бойы тоқтаусыз жөтелген 54 жастағы тұрғын емделуге жатты. Функционалдық диагностика бөлімшесінің меңгерушісі Жасұлан Елемес эндоскопиялық тексеріс-бронхоскопия жүргізіп, нәтижесінде пациент кеңірдегінде сүйек тұрып қалғанын анықтайды.

"Уақытында тексеру жүргізілмегенде, бронхоскопия қабынған ісік түйіні болып, іріңді қабынуға айналып кетуі мүмкін еді. Процедура сәтті өтті, сүйек пациенттің кеңірдегіне зақым келтірмей алынды", - деді Жасұлан Елемес.

Науқас дәрігерлерге зор алғысын білдірді.

"Жөтел тамақтанып отырғанда қақалып қалған соң пайда болды. Содан жөтел тоқтамай қойды. Емханаға барып, емдеу курстарын ала бастадым. Бірақ ол да көмектеспеді. Сол себепті, ауруханаға барғанды жөн көрдім. Қабылдау бөлімшесіне барғанда, дәрігерге жөтелім ұнамады. Тексеріс жүргізген кезде сүйектің бары анықталды. Дәрігерлерге кәсібилігі үшін, дер кезінде диагноз қойғаны үшін алғысым шексіз. Сіздерге үлкен рахмет!" - деді тұрғын.

Дәрігердің айтуынша, егер адам қақалып қалғаннан кейін жөтелі тоқтамаса, мамандарға жүгінуі керек.

Мақаланың түпнұсқасы: https://kaz.nur.kz/society/1951607-siyrdyn-suiegi-turyp-qalgan-almatylyq-darigerler-toqtausyz-zotelgen-turgyndy-qutqardy/