KEGOC жарықтың жаппай сөнуіне не себеп болғанын түсіндірді

Энергетикалық желіні басқару бойынша отандық KEGOC компаниясы Қазақстанның бірқатар қаласында электр қуатының жаппай сөнуіне қатысты ресми сайтында мәлімдеме жасады.

"2022 жылдың 25 қаңтарында сағат 11:59-да (Нұр-Сұлтан уақыты бойынша) Орталық Азияның энергия жүйесінде (Өзбекстан, Қырғызстан) туындаған апаттық теңгерімсіздік салдарынан "Қазақстанның Солтүстік-Шығыс-Оңтүстік" электр энергиясы транзитіне 500 кВ қуат көлемінде күш түскен.

Салдарынан "Қазақстанның Солтүстік-Шығыс-Оңтүстік" транзитінде авариялық бөліну жағдайы болып, Қазақстанның оңтүстік аймағындағы электр тұтынушыларының басым бөлігі жарықсыз қалды. Шектеу көлемі шамамен 1500 мегаватты құрайды", - делінген хабарламада.

Қазіргі уақытта KEGOC АҚ жүйелік операторы апатты жою бойынша шаралар қабылдап жатыр.

Еске салсақ, бұған дейін Алматы мен еліміздің бірқатар өңірінде жарық сөнгені туралы жазған едік.