Қасым-Жомарт Тоқаев шахматтан әлем чемпионы Бибісара Асаубаевамен кездесті

Опубликовано:

Асаубаева мен Тоқаев
Фото: Ақорда

Мемлекет басшысы Қасым-Жомарт Тоқаев шахматтан әлем чемпионы Бибісара Асаубаеваны қабылдады деп хабарлайды Ақорданың баспасөз қызметі.

Президент Варшавада өткен әлем чемпионатында шахматтың «блиц» түрінен алтын және «рапид» бойынша күміс медаль иеленген жас шахматшыны жарқын жеңісімен құттықтады.

Бибісара Асаубаева Қасым-Жомарт Тоқаевқа қолдау көрсеткені үшін алғыс айтып, спорттағы мансабына қатысты алдағы жоспарымен бөлісті.

Мемлекет басшысы Бибісара Асаубаеваның әлемдік шахмат аренасында Қазақстанның намысын келешекте де лайықты қорғай беретініне сенімді екенін атап өтіп, жеңістен жеңіске жете беруіне тілектестік білдірді.

Мақаланың түпнұсқасы: https://kaz.nur.kz/society/1953890-qasym-zomart-toqaev-saxmattan-alem-cempiony-bibisara-asaubaevamen-kezdesti/