"30 градус аяз": Алдағы күндері елімізде ауа райы қандай болады

"Қазгидромет" РМК 15-17 ақпанға арналған ауа райы болжамын ұсынды, деп хабарлайды KAZ.NUR.KZ тілшісі.

Синоптиктердің мәліметінше, алдағы күндері еліміздің солтүстігінде күн айтарлықтай суытады.

Өңірде қатты қар жауып, 15-ші және 16-шы ақпанға қараған түні 18-23 градусқа дейін, кейбір аудандарда 27 градусқа дейін аяз болуы мүмкін.

Қазақстанның шығысы мен оңтүстік-шығысында да 17 ақпан күні жауын-шашын тоқтап, ауа температурасы төмендеуі ықтимал.

Атап айтқанда, шығыста 25-30 градусқа дейін, оңтүстік-шығыста 20-25 градусқа дейін аяз күтіледі.

Естеріңізге сала кетсек, бұған дейін "Қазгидромет" РМК мамандары 14 ақпанға арналған ауа райы болжамын ұсынып, еліміздің 10 өңірінде дауылдық ескерту жариялаған еді.

Мақаланың түпнұсқасы: https://kaz.nur.kz/society/1955989-30-gradus-ayaz-aldagy-kunderi-elimizde-aua-raiy-qandai-bolady/