Зеленскийдің кеңсесі Украина мен Ресейдің үшінші келіссөздерінің мерзімін бекітті
Опубликовано:
Ресей мен Украина делегациялары арасындағы келіссөздердің үшінші кезеңі алдағы күндері орын алмақ.
Бұл туралы Украина президенті кеңсесі басшысының кеңесшісі Михаил Подоляк "Страна.ua" басылымына хабарлады.
"Алдағы бір-екі күнде өтеді. Гуманитарлық дәліздер қалай жұмыс істеп жатқанын бағалап, келіссөздер барысында қажет болса өзгерістер енгізу көзделген", - деп жауап берді Подоляк келесі келіссөздер жайлы сұраққа.
Оның сөзінше, украиналық делегация құрамында өзгеріс болмайды.
Айта кетейік, бұған дейін Владимир Путин де Германия канцлеріне Ресей-Украина келіссөздерінің үшінші кезеңі қашан өтетінін айтқан болатын.
Мақаланың түпнұсқасы: https://kaz.nur.kz/society/1959556-zelenskiidin-kensesi-ukraina-men-reseidin-usinsi-kelissozderinin-merzimin-bekitti/