Елімізде бір тәулікте коронавирус жұқтырғандар саны қайта өсті
Опубликовано:
Қазақстанда эпидемиологиялық жағдайға қатысты мәліметтер жаңарды. Оған сәйкес, 15 сәуірде елімізде коронавирус жұқтырған тағы 20 адам тіркелді, деп хабарлайды Telegram-дағы COVID-19-дың таралуына жол бермеу жөніндегі ВАК арнасы.
Аймақтар бойынша:
- Нұр-Сұлтан қаласында - 4
- Алматы қаласында - 9
- Алматы облысында - 1
- Шығыс Қазақстан облысында - 4
- Қостанай облысында -1
- Павлодар облысында - 1.
Осылайша, Қазақстанда коронавирус инфекциясын жұқтырғандар саны 1 305 375 жетіп отыр.
Сонымен қатар өткен тәулікте 5 адам аурудан жазылып шыққан.
Айта кетейік, 14 сәуірде елімізде COVID-19 инфекциясын жұқтырған 12 адам тіркелген болатын.
Еске сала кетсек, бұған дейін премьер-министрдің орынбасары Ералы Тоғжанов азаматтарымыз қалыпты өмірге оралғанымен, әлі де босаңсуға болмайтынын айтқан еді.
Оның сөзінше, коронавирустың "стелс-омикрон" деп аталатын жаңа штамы пайда болған. Осы ретте, Тоғжанов бұл штамм өзге елдерде қарқынды тарап жатқандықтан, оған дайын болуға шақырған болатын.
Мақаланың түпнұсқасы: https://kaz.nur.kz/society/1965340-elimizde-bir-taulikte-koronavirus-zuqtyrgandar-sany-qaita-osti/