Алматыда утилизациялық алымға қарсы митинг өтті (фото)
Опубликовано:
Алматыда "Утиль алымына жол жоқ" қозғалысының белсенділері ұйымдастырған митинг өтті, деп хабарлайды Sputnik Қазақстан.
Басылымның жазуынша, Шоқан Уәлиханов алаңына 100-ге жуық адам жиналған.
Ұйымдастырушылар акция қатысушыларынан митинг тақырыбынан ауытқымай, арандатушыларға ермеуді сұрады.
Митингте саясаткерлер Санжар Боқаев пен Болат Әбілов сөз сөйледі. Олар автокөліктер үшін утилизациялық алымды мүлде алып тастауды немесе оның мөлшерін 100 мың теңгеден асырмауды талап етті.
Еске сала кетсек, бұған дейін премьер-министрдің бірінші орынбасары Роман Скляр утильалым мөлшерлемесі 50 пайызға төмендейтінін мәлімдеген еді.
Мақаланың түпнұсқасы: https://kaz.nur.kz/society/1965424-almatyda-utilizaciyalyq-alymga-qarsy-miting-otti-foto/