Қазақстанда әкімдердің рейтингіне жол сапасы тікелей әсер етуі мүмкін

"Көлік туралы" заңға енгізілетін түзетулерде әкімдерді бағалау критерийлерінің бірі ретінде жолдардың сапасын енгізу ұсынылды. Бұл туралы үкімет отырысында ИИДМ басшысы Қайырбек Өскенбаев мәлімдеді, деп хабарлайды KAZ. NUR.KZ тілшісі.

Отырыста премьер-министр Әлихан Смайылов әрбір әкімнің өңір жолдарының жай-күйіне жеке жауапты екенін атап өтті.

"Жол саласын дамыту бойынша қабылданып жатқан шараларға қарамастан, бірқатар проблемалық мәселе бар. Олардың ең бастысы-жолдардың, әсіресе жергілікті жолдардың сапасыз жағдайы. Дүниежүзілік экономикалық форумның деректері бойынша Қазақстан жол сапасы бойынша әлемде 93-орынға ие болды", - деді ол.

Сондай-ақ елімізде білікті кадрлар жетіспейтіні, жол құрылысында жаңа материалдар мен технологиялар аз пайдаланылатыны атап өтілі.

ИИДМ басшысы Қайырбек Өскенбаев "Көлік туралы" заң жобасы аясында жұмыс сапасын арттыру үшін келесі түзетулер ұсынылатынын хабарлады:

• кепілдік кезеңінде авторлық және техникалық қадағалаудың мердігерлік ұйымдармен тең дәрежеде ортақ жауапкершілігі;
• сапа орталығына көше-жол желісінде жұмыстар мен материалдардың сапасына сараптама жүргізу бойынша өкілеттіктер беру.

Жолдарға әкімдер де жауапты болады.

"Жолдардың сапасын қамтамасыз ету үшін мыңнан астам нормативтік-құқықтық актілер өңделуде. Жолдардың сапасы бойынша әкімдердің рейтингін анықтау бойынша әдістеме әзірленді, оны келісу және бекіту рәсімі жүргізілуде", – деп мәлімдеді министр.