Қазақстанның бірқатар өңірінде ауа райына байланысты дауылдық ескерту жарияланды

Қазақстанның бірқатар өңірінде ауа райына байланысты дауылдық ескерту жарияланды, деп хабарлайды "Қазгидромет" РМК баспасөз қызметі.

Синоптиктер болжамына сәйкес, 19 мамыр күндіз Ақтөбе облысының батысында, солтүстігінде найзағай күтіледі. Оңтүстік-батыстан, батыстан жел соғады, облыстың солтүстігінде, шығысында екпіні 15-20 м/с күтіледі.

19 мамырда Қызылорда облысының орталығында жел солтүстік-батыстан, солтүстіктен соғады, күндіз күші 15-20 м/с жетуі мүмкін. Облыс орталығында төтенше өрт қаупі күтіледі.

Ал Алматы облысының солтүстігінде, таулы, тау етегіндегі аудандарында найзағай ойнап, бұршақ жауып, дауыл соғады. Оңтүстік-батыстан жел соғады, найзағай кезінде күші 15-20, екпіні 24-29 м/с жетеді.

19 мамырда Батыс Қазақстан облысының солтүстігінде, оңтүстігінде найзағай, бұршақ, дауыл күтіледі. Жел оңтүстік-батыстан, батыстан соғады, күндіз облыстың солтүстігінде, солтүстік-шығысында екпіні 15-20 м/с жетеді.

Ал ертең түнде Қарағанды облысының солтүстігі мен шығысында тұман түсуі мүмкін. Оңтүстік-батыстан, батыстан жел соғады, түнде облыстың солтүстігінде, батысында екпіні 15-20 м/с, күндіз басым бөлігінде 15-20 м/с, екпіні 23-28 м/с, облыстың солтүстігінде 30 м/с және одан аса күтіледі.

Ертең Солтүстік Қазақстан облысының басым бөлігінде жаңбыр, күндіз облыстың шығысында қатты жаңбыр күтіледі. Облыстың солтүстігінде, батысында, шығысында найзағай, дауыл, бұршақ жаууы ықтиимал. Оңтүстік-батыстан, батыстан жел соғады, күші 15-20 м/с, күндіз екпіні 23-28 м/с, кей уақыттарда 30 м/с және одан асады деп болжануда.

Мақаланың түпнұсқасы: https://kaz.nur.kz/society/1969942-qazaqstannyn-birqatar-onirinde-aua-raiyna-bailanysty-dauyldyq-eskertu-zariyalandy/