Алматыда 1 маусымда тегін тамақ пен сусын таратыла ма: Қала әкімдігі жауап берді
Жарияланған күні:
![Тамақ Тамақ](https://cdn.nur.kz/images/1120x630/cf1ed8b0aa2b98ce.jpeg)
Алматы әкімдігі әлеуметтік желілерде тараған "Халықаралық балаларды қорғау күніне орай" тегін тамақ пен сусын таратылады" деген ақпаратты теріске шығарды, деп хабарлайды Zakon.kz.
"Әлеуметтік желілер мен мессенджерлерде жалған ақпарат таралып жатыр. Аудиохабарламада 1 маусым Балаларды қорғау күніне орай іс-шаралар өтетін орындарда әкімдіктің балаларға тамақ, сусындар, тәтті тағамдар мен ойын-сауық қызметтерін тегін таратуды ұйымдастыруға ақша бөлгені туралы жалған ақпарат тараған", - деді ведомстводан.
Осы ретте Алматы әкімдігі бекітілген іс-шаралар тізімі ведомствоның ресми сайтында жарияланғанын атап өтті.
Еске сала кетсек, бұған дейін мемлекет басшысы Қасым-Жомарт Тоқаев Халықаралық балаларды қорғау күнімен құттықтаған болатын.
Президент өз құттықтауында "өскелең ұрпақтың жан-жақты дамуына қолайлы жағдай жасау – мемлекетіміздің басты міндетінің бірі" екенін баса айтты.
Мақаланың түпнұсқасы: https://kaz.nur.kz/society/1971938-almatyda-1-mausymda-tegin-tamaq-pen-susyn-taratyla-ma-qala-akimdigi-zauap-berdi/