Алдағы демалыс күндері елдің оңтүстігінде 45 градусқа дейін ыстық болады

"Қазгидромет" РМК ресми сайтында 25-27 маусымға арналған ауа райы болжамын ұсынды, деп хабарлайды KAZ.NUR.KZ тілшісі.

Синоптиктердің болжамынша, алдағы демалыс күндері ел аумағында қысқа мерзімді жаңбыр, найзағай, қатты жел мен бұршақ күтіледі.

Тек еліміздің батысы мен солтүстік-батыс өңірлерінде бұлттардың саны азайып, жаңбыр тоқтайды. Оңтүстікте шаңды дауыл тұрады.

Сондай-ақ батыста + 25+35°С, солтүстікте +25+33°С, орталықта +30+37°С, шығыста +27+37°С, оңтүстікте +40+45°С-ға дейін аптап ыстық болады.

Мәтіннен қате тапсаңыз, бізге жазыңыз