Биыл елордада Астана күні қалай атап өтіледі

Биыл еліміздің бас қаласы өзінің 24 жылдығын атап өтеді. Осыған орай қала тұрғындары мен қонақтары концерттер, көрмелер, фестивальдар мен премьераларды тамашалай алады, деп хабарлайды Нұр-Сұлтан әкімдігі ресми сайтында.

Ведомствоның мәліметінше, қала күніне орай шаһарда бірқатар әлеуметтік нысанның, гүлзардың, қоғамдық кеңістік пен 80-нен аса ауланың салтанатты ашылуы өтеді.

Бұдан бөлек осы күннің құрметіне концерттер, спорттық турнирлер, көрмелер және т.б. ұйымдастырылады.

Атап айтқанда, 1 шілде күні сағат 20:00-де Есіл өзені жағалауындағы амфитеатрда Батырхан Шүкеновтің шығармашылығына арналған "Твои шаги" атты концерт өтеді.

3 шілде күні сағат 20:30-да ЭКСПО алаңында Ұлттық домбыра күні атап өтіледі. Сондай-ақ "Барыс Арена" мұз сарайында қазақ күресінен "Қазақстан барысы" республикалық турнирі өтеді.

4 шілде күні сағат 18:00-де амфитеатр сахнасында "Астана кеші көңілді" мерекелік концертінде отандық эстрада әртістері мен шығармашылық ұжымдар өнер көрсетеді.

4-6 шілде аралығында Орталық саябақта "Mereke Street" қалалық мәдениет фестивалі өтеді.

Ұйымдастырылатын іс-шаралардың толық тізімін осы сілтемеге өту арқылы көруге болады.

Мәтіннен қате тапсаңыз, бізге жазыңыз